Հայաստանը իր զորակցությունն է հայտնում Ֆրանսիայի բարեկամ ժողովրդին
Հայաստանի ԱԳ նախարար Էդվարդ Նալբանդյանը՝ անդրադառնալով Փարիզում նոյեմբերի 13-ին տեղի ունեցած ահաբեկչություններին հայտարարություն է տարածել: Նա նշել է, որ Հայաստանը Ֆրանսիայի կողքին է: Հայտարարությունում մասնավորապես ասվում է.
«Խստորեն դատապարտում ենք Փարիզում իրականացված մարդատյաց ահաբեկչական գործողությունները։ Ցավակցում եւ մեր զորակցությունն ենք հայտնում Ֆրանսիայի բարեկամ ժողովրդին: Ահաբեկչության դեմ պայքարը ողջ քաղաքակիրթ աշխարհի պայքարն է»,-ասված է նրա հայտարարությունում:
Հիշեցնենք, որ նոյեմբերի 13-ի երեկոյան ահաբեկչությունները տեղի են ունեցել Ֆրանսիայի մայրաքաղաքի վեց տարբեր շրջաններում։ Փարիզի ոստիկանության տվյալներով, ահաբեկչություններ են գրանցվել «Բատակլան» համերգասրահում, Հանրապետության հրապարակի մոտ գտնվող կամբոջական ռեստորանում, Բաստիլի հրապարակի մոտ։ Երեք նռնակ պայթեցրել են Stade de France մարզադաշտի մոտ, որտեղ ընթանում էր Ֆրանսիայի եւ Գերմանիայի հավաքականների ընկերական հանդիպումը։ Խաղը դիտող Ֆրանսիայի նախագահ Ֆրանսուա Օլանդին անհապաղ տարհանել են, իսկ ոստիկանությունը փակել է մարզադաշտի մուտքերը եւ մարդկանց արգելել դուրս գալ՝ վախենալով ահաբեկչությունների կրկնությունից։
«Բատակլան» համերգասրահում պատանդների վերցրած ահաբեկիչները, ըստ ականատեսների, հայտարարել են, թե վրեժ են լուծում Սիրիայի համար։
Ֆրանսիայի նախագահը երկրում արտակարգ դրության ռեժիմ է հայտարարել:
«Իսլամական պետություն» ահաբեկչական խմբավորումը ստանձնել է Փարիզում կատարված ահաբեկչությունների շարքի պատասխանատվությունը։ Այս մասին հաղորդում է CNN-ը՝ վկայակոչելով իր աղբյուրներին։
Տեղական լրատվամիջոցների փոխանցմամբ, Փարիզում ահաբեկչությունների զոհերի թիվը հասել է 150-ի։ Միայն 100-ից ավելի մարդ զոհվել է «Բատակլան» համերգասրահում։ Հավելենք, որ ահաբեկչությունների հետեւանքով մի քանի տասնյակ վիրավոր կա։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
