ՊՍԺ-ի ատղաբույլի թուլամորթ ֆուտբոլն ու «հիմար Էմերին»

Մրցաշրջանի սկզբում ֆուտբոլային աշխարհը բաժանվեց մի քանի ճամբարների։ Մարդիկ, ովքեր վստահ էին, որ այս տարի ֆրանսիական ակումբը հաղթելու է գրեթե բոլորին, ու մարդիկ, ովքեր պնդում էին, որ գումարներով ստեղծված թիմը չի կարող իրենից լուրջ վտանգ ներկայացնել։ Ամառային տրանսվերային պատուհանի ժամանակ տեղի ունեցած տրանսվերներից հետո ֆրանսիական ՊՍԺ-ն տեսականորեն դարձավ ֆուտբոլային աշխարհի ահն ու սարսափը։

Ֆրանսիայի առաջությունում փարիզյանը թիմը մեկը մյուսի հետևից «սպանում» էր ֆրանսիական թիմերին։ Չեմպիոնների լիգայի խմբային փուլում նրանք շարունակեցին իրենց «կոտորածը»։ Սակայն երեկ Իսպանիայի մայրաքաղաքում Մադրիդի Ռեալը կարողացավ ցույց տալ, թե «փիղն ինչ թռչուն է»։

Ֆրանսիայում պաշտպանություններ քանդող Նեյմարը այդպես էլ չկարողացավ կոտրել համեստ Նաչոյին։ Իր եսակենտրոն ֆուտբոլով Նեյմարը ևս մեկ անգամ ցույց տվեց, որ բարձրակարգ ֆուտբոլիստների դեմ նա խաղում էր Մեսսիի հովանու ներքո, սակայն նա հեռացավ Բարսելոնայից, քանի որ արգենտինացու հովանին ուժեղ էր և անհաղթահարելի։ Ամբողջ հանդիպման ընթացքում նեյմարը փորձում էր հիշել Բարսելոնայում անցկացրած տարիներն ու զգալ Լեոյի հովանին, սակայն չստացվեց։ Նեյմարը կամ դիմում էր սիմուլյացիայի, կամ էլ շրջանցում էր 2 ֆուտբոլիստի ու գնդակը կորցնում։ Երևի Փարիզում նրան շատ են ասել, որ ժամանակակից ֆուտբոլի ամենակարող արքան ինքն է։ Հաջորդ աստղային ֆուտբոլիստը Մբապպեն էր, ով եսակենտրոն խաղ չէր խաղում, սակայն այդպես էլ չկարողացավ անել այն, ինչ անում էր ֆրանսիական թիմերի հետ խաղերում։

Կավանին նոր էր ապաքինվել վնասվածքից ու դրանից զատ ֆուտբոլասերները չկարողացան տեսնել նրան խաղի մեջ, քանի որ եսակենտրոն Նեյմարը որոշել էր 90 րոպե շարունակ շրջանցել Ռեալի բոլոր 11 ֆուտբոլիստներին։

ՊՍԺ-ում փայլուն հանդիպում անցկացրեցին Դանի Ալվեսն ու Ադրիան Ռաբիոտը։ Դանին շարունակում է խաղալ իր ֆանտաստիկ ֆուտբոլը։ Տպավորություն է, որ այս տղան չի ծերանում, չի զգում առաջնությունների տարբերությունն ու մրցակցի ֆուտբոլիստներին։Իսկ համեստ, քիչ գումար վաստակող, ցածր տրանսվեր ունեցող Ադրիան Ռաբիոտը փաստացի միակն էր երեկ Դանի Ալվեսի հետ միասին, որ ցանկանում էր խաղալ թիմային ֆուտբոլ, խաղալ հաղթանակի, թիմի ու հաջողության համար։ Ինչ խոսք, այս տղան արդեն հիմա հարգանքի արժանի ֆուտբոլիստ է։

Իսկ ինչ կարելի է ասել ՊՍԺ-ի մարզիչ Էմերիի մասին։ Ոչինչ։ Էմերին նախորդ մրցաշրջանում ցույց էր տվել իր վատ կողմերը։ Մինչև հիմա շատերի մոտ հարց է առաջանում, թե երեկ ո՞ւր էին Դի Մարիան ու Դրաքսլերը։ Միթե՞ կարելի է պահետայինների նստարանին թողնել ժամանակակից ֆուտբոլի լավագույն խաղարկողներին ու գրոհ կառուցողներն։ Փաստորեն պարզվում է, որ Էմերին թողնում է։ Իսկ Տիագու Սիլվային մեկնարկային կազմ դուրս չբերելու համար բավական է վստահ ասել․ «Էմերի, մի՞թե դու հիմար ես»։

ՊՍԺ-ն պարտվեց, քանի որ խաղում էր թուլամորթ ֆուտբոլ, քանի որ խաղադաշտում խաղում էր եսակենտրոն ու գումարապաշտ Նեյմարը, խաղում էր աստղային երկնքում գտնվող Մբապպեն, խաղում էին ֆուտբոլիստներ, ովքեր Մադրիդի Ռեալի մասին միայն լսել էին։Իսկ փոխարենը պահեստային նստարանին նստած հանդիպումը դիտում, միգուցե մտովի Էմերիին հայհոյում էին Տիագու Սիլվան, Դրաքսլերն ու Դի Մարինա։ Տղաներ, զարմանալ պետք չէ, քանի որ ձեր գլխավոր մարզիչը «հիմար Էմերին է»։