Պաստառ բերողն այսօր չի եկել, ինսուլտ է խփել, ես էլ արդեն 80 տարեկան եմ․ վետերան օդաչուների շարքերը նվազում են

Համշանդամություն ձեռք բերած օդաչուներից քչերն են կենդանի մնացել։ «Հայկական ավիաուղիներ» ՓԲԸ օդաչուները հաշմանդամ են դարձել մասնագիտական պարտականությունները կատարելիս ու դատարանի որոշմամբ պետք է նպաստ ստանան, սակայն 2006 թվականից այս կողմ նրանց հասանելիք գումարները չեն տալիս:

Վերջիններս չեն դադարում բողոքի ակցիաներ կազմակերպել՝ պահանջելով իրենց հասանելիք գումարները, սակայն նրանց խնդրին իշխանությունն ականջալուր է։ Հերթական անգամ էլ օդաչուները դարձյալ եկել էին կառավարության շենքի  մոտ՝ պատկան մարմիններից որևէ մեկի հետ հանդիպելու ակնկալիքով։

Սակայն այս անգամ նրանք փոքր-ինչ անտրամադիր էին ու առանց պաստառների։

«Մեր պաստառ բերողն այսօր չի եկել, ինսուլտ է խփել»,- NEWSPRESS.am-ի հարցին ի պատասխան՝ ասաց նույն ավիաընկերությանը պատկանող, Իրանում վթարված ինքնաթիռի օդաչու Սարգիս Գրիգորյանի մայրը` Ջեմմա Հովհաննիսյանը։

Նա նաև նկատեց, որ իրենց շարքերն աստիճանաբար նոսրանում են։

«Ես էլ մեծ եմ, արդեն 80 տարեկան եմ, ինչքան պետք է գնամ-գամ ու ինձ արհամարհեն․ չի կարելի չէ՞»,- նեղսրտած ասաց Ջեմմա մայրիկը։

Հիշեցնենք, որ ավիաընկերության վետերան օդաչուները խնդրում են կառավարությանը, գոնե սառեցնել մինչ օրս կուտակված պարտքը՝ զրոյացնել այն ու x օրից սկսած՝ վճարել իրենց հասանելիք ամենամսյա գումարը։