«Տոտենհեմ»-«Արսենալ». բուքմեյքերները հավատում են տանտերերի հաղթանակին

Անգլիայի առաջնության հերթական՝ 27-րդ տուրում սպասվում է լոնդոնյան դերբի՝ փոխչեմպիոն «Տոտենհեմը» սեփական հարկի տակ՝ «Ուեմբլի» մարզադաշտում, կհյուրընկալի զինագործներին:

Հեղինակավոր William Hill բուքմեյքերական կենտրոնը հավատում է տանտերերի հաջողությանը՝ նրանց հաղթանակի հնարավորությունը գնահատելով 2.00 գործակցով: Ոչ-ոքիի հավանականությունն ունի 3.60, իսկ «Արսենալի» հաղթանակը՝ 3.75 գործակիցը:

Անցած 26 տուրի արդյունքում մայրաքաղաքի այս թիմերն ընթանում են հարևանությամբ՝ համապատասխանաբար 5-րդ և 6-րդ տեղերում: «Տոտենհեմն» ունի 49, իսկ «Արսենալը» 45 միավոր:

Մրցաշարային աղյուսակի անվիճելի առաջատարը շարունակում է մնալ «Մանչեսթեր Սիթին»՝ 69 միավորով: Հայաստանի ազգային հավաքականի առաջատար Հենրիխ Մխիթարյանի նախկին թիմը՝ «Մանչեսթեր Յունայթեդը», 56 միավորով 2-րդ հորիզոնակում է և առաջատարին զիջում է 13 միավորով: Երրորդ և չորրորդ հորիզոնականները զբաղեցում են «Լիվերպուլը» և «Չելսին»՝ համապատասխանաբար 51 և 50 միավորներով:

Հիշեցնենք, որ «Տոտենհեմ»-«Արսենալ» խաղի մեկնարկը Երևանի ժամանակով 16:30-ին է: Հանդիպումը վարելու է Էնթոնի Թեյլորը: