«Դուք նույնիսկ դատավոր չեք»․ Ժիրայր Սեֆիլյանին թույլ չտվեցին խոսել, նա ազատազրկվեց՝ 11 տարի ժամկետով

«Սա դատավարություն չէ»։

«Ժիրայր Սեֆիլյանի և մյուսների գործով» դատական նիստի ժամանակ հայտարարեց «Հիմնադիր խորհրդարան»-ի առաջնորդ Ժիրայր Սեֆիլյանը, երբ դատանի վճռից վրդովված դատապարտյալներին դատավորը դուրս հրավիրեց։

«Դուք նույնիսկ դատավոր չեք, Դուք միշտ զրկել եք մեզ խոսելու իրավունքից»,-ասաց Ժիրայր Սեֆիլյանը։

«Սեֆիլյան ինձ մի ընդհատեք»,- իր խոսքը շարունակում էր դատավորը։

«Այդ Դուք ինձ լսեք, երբ խոսում եմ, Դուք երբեք թույլ չեք տվել ինձ խոսել»,-պնդց Սեֆիլյանը, թեև նրան այդպես էլ թույլ չտվեցին խոսել։

Նկատենք, որ Սասունիկ Միքայելյանի նկատմամբ որպես պատիժ նշանակել ազատազարկում՝ 4 տարի 6 ամիս ժամկետով, Ներսես Պողոսյանին՝ 4 տարի ժամկետով, Գալուստ Գրիգորյանին՝ 3 տարի ժամկետով, Հրայր Թոփչյանին՝ 3 տարի ժամկետով, Հովհաննես Պետրոսյանին՝ 2 տարի ժամկետով, Գևորգ Սաֆարյանին՝ 4 տարի 6 ամիս ժամկետով, իսկ Ժիրայր Սեֆիլյանի վերաբերյալ առաջարկվեց վերջնական պատիժ նշանակել ազատազրկում՝ 11 տարի ժամկետով:

Հարկ է նկատել, որ Ժիրայր ՍԱեֆիլյանի համար որպես մեղմացուցիչ միջոց հանդիսացել է Արցախյան պատերազմումում նրա «ակտիվ մասնակցությունը»։

Փաստաբան Տիգրան Հայրապետյանը նկատեց, որ դատարանի ճառերն անմարդկային էին՝ դատաքննության հետ կապ չունեցող։ Իսկ պատժաչափերով, փաստաբանի գնահատմամբ, պետությունը ցույց տվեց, որ դատարանը իր ձեռքին մահակ է, որով նա պատժում է անհնազանդներին։