Պիեր-Էմերիկ Օբամեյանգը խոստովանել է, որ «Արսենալ» է տեղափոխվել հենց Հենրիխ Մխիթարյանի պատճառով

Ձմեռային տրանսֆերային պատուհանի ժամանակ Լոնդոնի «Արսենալը» կատարեց 2 հրաշալի տրանսֆեր: Թիմի կազմը համալրեցին Հայաստանի ազգային հավաքականի առաջատար Հենրիխ Մխիթարյանն ու Դորտմունդի «Բորուսիայի» գաբոնցի հարձակվող Պիեր-Էմերիկ Օբամեյանգը:

Երկու ֆուտբոլիստներն «Արսենալի» կազմում անցկացրել են 1 լիարժեք հանդիպում և այդ հանդիպման ժամանակ Օբամեյանգը դարձավ գոլի հեղինակ, իսկ Հենրիխը կատարեց 3 գոլային փոխանցում: Երկու ֆուտբոլիստների ֆանտաստիկ համագործակցությունը սկսեց Դորտմունդի «Բորուսիայում»:

Մխիթարյանի՝ «Արսենալ» տեղափոխության օրերին համացանցում նշվում էր, որ Մխիթարյանի տեղափոխությունից հետո «Արսենալը» կսկսի աշխատել Օբամեյանգի տրանսֆերի վրա: Այդպես էլ եղավ: Օրեր առաջ գաբոնցի հարձակվողը հայտարարեց, որ իր տեղափոխության գործում մեծ ազդեցությւն ունի Հենրիխի գործոնը:

«Մխիթարյանը զանգահարեց ինձ ու ասաց, որ դեպի «Արսենալ» գործարքը կայացած է: Դա չափազանց կարևոր պահ էր իմ տեղափոխության հարցում: Սա ընտանիքի վերամիավորման պես մի բան է, և ես ուրախ եմ, որ մենք կրկին միասին ենք»:

Օբամեյանգը նշել է նաև, որ մինչ Հենրիխի տեղափոխությունը, նրանց միջև հեռախոսային խոսակցություն է եղել և Մխիթարյանը ճշտումներ է կատարել, թե որտեղ է տեղափոխվելու գաբոնցի հարձակվողը:

Հավելենք նաև, որ ֆուտբոլային հեղինակավոր պարբերականներն արդեն հիմա նշում են, որ 2 ֆուտբոլիստների տրանսֆերը համարվում է ձմեռային տրանսֆերային պատուհանի ընթացքում տեղի ունեցած լավագույն տեղափոխությունը:

NEWSPRESS.am Sport