Ինչո՞ւ Ժոզե Մոուրինյոն «սպանեց» իր ֆուտբոլիստներին՝ Մխիթարյանին, Պոգբային և Լուկակուին
Օրեր առաջ «Արսենալը» 5։1 հաշվով հաղթեց «Էվերթոնին», և այդ հանդիպումից հետո անգլիական սպորտային մամուլը սկսեց գովեստի խոսքեր հնչեցնել հայ կիսապաշտպան Հենրիխ Մխիթարյանի հասցեին։ Ֆուտբոլային վերլուծաբանները նշում էին, որ Մխիթարյանն ազատվեց Մոուրինյոյի «բանտարկությունից» և հիմա «Արսենալում» ցույց է տալիս ու ցույց կտա իր սիրելի հարձակվողական ֆուտբոլը։
Առնվազն կույր ֆուտբոլասեր պետք է լինել՝ չտեսնելու համար, որ Մոուրինյոյի գլխավորությամբ «Մանչեսթերի» մի շարք ֆուտբոլիստներ ուղղակի չեն խաղում հարձակվողական ֆուտբոլ, այլ տարված են «ավտոբուսային խաղաոճի» վրա, քանի որ այդպես է ուզում պարոն Ժոզեն։
Պարոն Ժոզեն չցանկացավ, որ իր թիմում խաղա Մեմֆիս Դեպայը։ Իսկ թե ի՞նչ է անում Դեպայը հիմա Ֆրանսիայում, բավական է նայել նրա խաղն ու հասկանալի կլինի։ Դորտմունդի «Բորուսիայում» փայլող Հենրիխը եկավ Մանչեսթեր ու արդյունքում 1,5 տարվա մեջ չտպավորեց հարձակվողական ֆուտբոլով։ Մխիթարյանն ամբողջ խաղի ընթացքում ստիպված էր կատարել պաշտպանողական գործողություններ։Այնինչ Հենոն փլեյմեյքեր ֆուտբոլիստ է, ով սիրում է գրոհել, գոլեր խփել, գոլային փոխանցումներ կատարել ու խաղալ հարձակվողական ֆուտբոլ։ Բայց պարոն Ժոզեն Մխիթարյանին փորձում էր դարձնել լավ պաշտպանվող ֆուտբոլիստ։
Նույն վիճակն է նաև Պոլ Պոգբայի մոտ։ Պոգբան «Յուվենթուսում» այլ ֆուտբոլիստ էր, քան Պոգբան հիմա «Մանչեսթերում» է։ Անգլիական մամուլն օրեր առաջ գրեց, որ Մոուրինյոյի ու Պոգբայի միջև վեճ է տեղի ունցել, քանի որ պարոն Ժոզեն ցանկանում է, որ ֆրանսիացին լավ աշխատի պաշտպանողական գործողություններում, սակայն…
Բելգիացի Ռոմելու Լուկակուի մասին նույնպես պետք է խոսել։ Լուկակուն համեստ «Էվերթոնում» ֆանտաստիկ ֆուտբոլ էր խաղում, իսկ նրա գոլային հրավառության մասին խոսելիս պետք է նայել նրա վիճակագրությունն «Էվերթոնում»։ Իսկ այս տարի Լուկակուն նման է միջին կարգից էլ ցածր հարձակվողի, ով կարծես չի կարողանում գտնել իրեն դաշտում։ Լուկակուն չի կարողանում, քանի որ պարոն Ժոզեի թիմը պետք է պաշտպանվի, պետք է փակվի դարպասի դիմաց, պետք է մեկ գոլ խփի ու խաղա հաշվի վրա, իսկ Լուկակուն այդպիսի թիմի ֆուտբոլիստ չէ։
Ստացվում է այնպես, որ թե՛ Մխիթարյանը, թե՛ Պոլ Պոգբան և թե՛ Ռոմելու Լուկակուն իրենց թիմերից գալով «Մանչեսթեր», դարձան քիչ գոլեր խփող, հարձակվողական ֆուտբոլից հեռացող ու պաշտպանական ֆուտբոլին ընտելացած ֆուտբոլիստներ։
Մխիթարյանը գիտակցեց այդ վտանգն ու լքեց «Մանչեսթերը»։ Հիմա նա «Արսենալում» է, որտեղ հարձակվողը խաղում է հարձակվող, իսկ պաշտպանը՝ պաշտպան։ Պոգբան կոնֆլիկտի մեջ է Ժոզե Մոուրինյոյի հետ, իսկ Լուկակուի մոտ մարզավիճակի անկում կա։ Մնում է տեսնել, թե Ալեքսիս Սանչեսն ինչպես կհարմարվի պաշտպանողական ֆուտբոլին։ Մոուրինյոն այսպես է վարվում իր թիմի հարձակվողական ոճի ֆուտբոլիստների հետ, քանի որ նրա ֆուտբոլային փիլիսոփայությունն այդպիսին է հիմա։ Սակայն ժամանակաշրջանները փոխվել են, և հիմա աշխարհում տոն են տալիս ու հաջողությունների հասնում հարձակվողական թիմերը։ Ժոզեն այդպես է ցանկանում, իսկ նրա ֆուտբոլիստները, մեղմ ասած, «տառապում են»։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
