Ինքը լիքը գարշոկին նստած՝ երեխայի դատարկ գարշոկն էր վաճառում
«Ես միշտ եմ եղել կոռուպցիայի դեմ պայքարի դրոշակակիրը, դա կվկայի ԴԱՀԿ-ում իմ աշխատելաոճը»,- ասել է ԴԱՀԿԾ նախկին ղեկավար Միհրան Պողոսյանը:
Հետաքրքիրն այն է, որ արդեն Հայաստանում ոչ ոքի նման արտառոց հայտարարություններով չես զարմացնի, իսկ Միհրան Պողոսյանը պարզապես գլուխգործոց է։ Չմոռանանք, որ Միհրան Պողոսյանը թաղված էր պատվավոր օֆշորային սկանդալներում: Հենց նա էր ժամանակին կոռուպցիոն գործարքների մեջ, իսկ ժամանակ անցավ, ու երևի Պողոսյանին թվում է, որ ժամանակը մոռացության է տալիս կոռուպցիոն մեղքերը։ Եվ եթե նա ժամանակին ոմանց բարեհոգության շնորհիվ բանտ չընկավ, ապա՝ ո՛չ կոռուպցիա, ո՛չ օֆշոր։
Սակայն պետք է հասկանալ Պողոսյանի մտքերը, նա՛ էր դրոշակակիր կոռուցիայի դեմ պայքարում, սակայն նրա պայքարը չգնահատվեց, նրան զրկեցին ԴԱՀԿԾ ղեկավարի պաշտոնից։ Այսպիսի հետաքրքիր բաներ։
Ի դեպ, կոռուպցիայի դեմ պայքարի դրոշակակիրն ամեն կերպ շրջանցում է օֆշորը, կոռուցիայի մեջ իր թաթախված լինելը՝ գտնելով, որ դա անցած փուլ է։
Այս ամենը մեկ կողմ, ավելին՝ Պողոսյանը կոռուպցիայի դեմ պայքարի նախագիծ է մշակում․ այս ամենը ողբերգություն կլիներ, եթե կատակերգություն չլիներ։
Բացի Պանամայում գրանցված բազմում-բազմաթիվ բիզնեսներից, դրան է գումարվում նաև «Բանանի արքա տիտղոսը». արդեն քանի տարի է՝ Հայաստան բանանի միակ ներկրողն է։
Նշենք, որ «Քեթրին» ընկերությունը 2005-2007թթ., ներկրելով մոտ 6500 տոնա բանան, «Ներմուծում ազատ շրջանառության համար» մաքսային ռեժիմով, ազատվել է մաքսային վճարի, մաքսատուրքի և ավելացված արժեքի հարկի վճարումից։ Օրենքն այդպես է նախատեսում: Իսկ այդ մաքսային ռեժիմով բանանը ներկրելով` «Քեթրին» ՍՊԸ-ն պարտավոր էր վերամշակումից ստացած ապրանքն արտահանել Հայաստանից: Բայց քանի որ վերամշակում չի եղել, ընկերությունը կեղծ փաստաթղթեր է սարքե՝ իբրև պատրաստել է բանանի յուղ և արտահանել Բահամյան կղզիներ: Քննությամբ պարզվել է, որ վերաարտահանվել է ոչ թե բանանի յուղ, այլ արևածաղկի յուղ: Այս գործարքի արդյունքում «Քեթրին» ՍՊԸ-ն պետությանը չի վճարել 443 711 516 դրամ։ Այն ժամանակ այս գործը ծածկադմփոց արվեց։
Օֆշոր, մենաշնորհ, խարդախություն, հարկերից խուսափում․ այս և հարանման հանցանքների լիքը «գարշոկին» նստած լինելու համար ցանկացած այլ երկրում անձը հավիտյանս հավիտենից կհայտնվեր ճաղերի հետևում, իսկ Հայաստանում նման «գարշոկ» ունեցող անձը «միշտ պայքարում է» կոռուպցիայի դեմ։ Դե իհարկե, ոչ ոք չի մոռացել, թե ինչպես 2016 թվականին, երբ ինքը դեռ գլխավոր հարկադիր կատարողն էր, մանկական գիշերանոթ հանել աճուրդի: Ծիծաղելի կլիներ, եթե այսքան ողբերգական չլիներ:
Ի դեպ, Հայաստանի տնտեսական վիճակի մասին ԱՄՆ դեսպանատան զեկույցում նշվում է, որ Միհրան Պողոսյանին պատկանող ընկերությունը բանանի շուկայում մենաշնորհային դիրք է զբաղեցնում: Միհրան Պողոսյանն ասում է՝ դա ես չեմ։ Կարճ ասած՝ Չապլինի ֆիլմերին արժանի կինոֆիլմ՝ Միհրան Պողոսյանի դերակատարմամբ։
Ինչպես ասում են, ստում է ու աչքը չի թարթում։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
