Թող հասկական, որ ինչքան էլ զենք առնեն, միևնույնն է՝ Հայաստանում կա ավելի լավ զենք. Թևան Պողոսյան (տեսանյութ)

«Այն, որ Ադրբեջանին սպառազինում են Ռուսաստանը, Ղազախստանը և այլ երկրներ, պետք է հասկանանք, որ մտել ենք սպառազինությունների վազքի մեջ»։

NEWSPRESS.am-ի հետ զրույցում ասաց «Մարդկային զարգացման միջազգային կենտրոնի» նախագահ, փորձագետ Թևան Պողոսյանը, ում դիտարկմամբ, յուրաքանչյուր երկիր՝ իր շահից առաջնորդվելով, փորձում է իր խնդիրներն իր ձևով լուծել։

«Ռուսաստանն ունի իր շահն Ադրբեջանի հետ, և չկա այլ թեմա քննարկելու, քան սպառազինությունը։ Դա նշանակում է՝ Ռուսաստանին մենք պետք կարողանանք ասել՝ մի հետապնդիր քո շահերը, այն ձևով ինչպես ինքն է ընկալում, այսինքն՝ խաղի կանոնները պետք է կարողանանք փոխել: Նույն ձևով խաղի կանոններ պետք է կարողանալ փոխենք, որ բոլորը հասկանան, որ չի կարելի զենք ուղարկել կոնֆլիկտային գոտիներ»:

Ըստ նրա՝ սխալ է զենքի մատակարարման մասին չխոսել՝ միայն նրա համար, որ կարող են մեզ հետ հաշվի չնստել։ Այս դեպքում մենք նույն պտույտի մեջ ենք հայտնվում։

«Եթե ուզում ենք խաղի կանոններ փոխել, պետք է սկսենք մեզնից․ պետք է զարկ տալ զենքի արդյունաբերությանը: Նույն ձևով էլ պետք է կարողանանք խաղի կանոններ փոխել Ադրբեջանում, թող հասկական, որ ինչքան էլ զենք առնեն, միևնույնն է՝ Հայաստանում կա ավելի լավ զենք։ Այ հենց մենք կարողացանք այդ խաղի կանոնները փոխել՝ կարող ենք այդ հարցում ինչ-որ բան փոխել, և դաշնակիցն էլ արդեն այլ մոտեցում կունենա»։

Իսկ այն, որ մոտ մեկ շաբաթ առաջ Ադրբեջանը Ռուսաստանից ստացավ զենքի հերթական խմբաքանակ, Թևան Պողոսյանը նկատում է՝ դա ավելի վաղ կնքված պայմանագրով ուղարկված զենքն է։

Մանրամասները՝ տեսանյութում