Ծխելու համար տուգանվող 8 անհեթեթ կետ և 8 խելամիտ հարց

Փաստաբան Էմիլ Մարկոսյանը ֆեյսբուքյան իր էջում գրել է.

1) Մեքենայում – բակում կամ որևէ գողտրիկ վայրում մեքենայի մեջ ծխում են, ո՞նց եք հաստատելու, իմանալու ու տուգանելու…

2) Տրանսպորտում կամ տաքսիում – Ձեր կարճ խելքով կարծում եք, որ տաքսու վարորդը կարգելի՞ կամ ինքնակամ կզրկվի՞ ուղևորից, եթե վերջինս հրաժարվի կամ պնդի, որ միևնույն է պիտի ծխի…

3) Վերելակում, գրասենյակում, սրճարանում – հիմարության գագաթնակետին նմանվող այս կետով և կրկին Ձեր կարճ խելքով ո՞նց եք իմանալու կամ հետևելու բոլոր գրասենյակների ներսում կատարվածին, իսկ Հանրապետության բոլոր  վերելակներո՞ւմ էլ եք պատրաստվում տեսախցիկ տեղադրել, թե՞ վերելակից բոլոր օգտվողների հետ Ձեր մարդուն եք դնելու, որ հետևի…

4) Հատով ծխախոտի վաճառքի համար – Իսկ վստահ ե՞ք, որ հատով ծխախոտ վաճառողը չի պնդի, որ ուղղակի հյուրասիրում է, այլ չի վաճառում և բացած ծխախոտի տուփը՝ դա իր անձնական օգտագործման ծխախոտն է…

5) Դպրոցին 100 մետրից մոտ վաճառքի համար – արդյոք տուգանելո՞ւ եք դպրոցին մոտ գտնվող որևէ մի օլիգարխի սուպերմարկետ ( Չտուգանողի մաման… )

6) Ծխելն արգելող նշան չտեղադրելու համար – ենթադրենք տեղադրված է, իսկ որևէ մի մարդ կամ կոնկուրենտ, կամ Ձեր իսկ կողմից ուղարկված մի վիժվածք գալիս և դիտավորյալ վերացնում կամ ոչնչացնում է այն, ի՞նչ եք անելու Ձեր դատարկ գլուխներով, անմեղ մարդկա՞նց եք տուգանելու…

7) Ղեկավարին՝ տարածքում ծխելը չարգելելու համար – դա վերաբերո՞ւմ է նաև կառավարությանը, նախարարություններին, Ազգային ժողովին և այլն… Օրենքի առջև բոլորը հավասա՞ր են… (Չտուգանողի մաման…)

8) Ծխախոտի գովազդի համար – դուք Ձեր ասածին հավատո՞ւմ եք, գովազդի տարբեր եղանակներից տեղյա՞կ եք, սեղանին պատահական դրված ծխախոտի տուփը կարող է նույնպես համարվել գովազդ…»: