Սերժ Սարգսյանը սթափեցնող ակնարկ արեց զինվորների ծնողներին
Այսօր Հանրապետության Նախագահ, Զինված ուժերի գերագույն գլխավոր հրամանատար Սերժ Սարգսյանը իր՝ բանակում չծառայած իշխանավորների հետ՝ պաշտպանության նախարար Վիգեն Սարգսյան, Երևանի քաղաքապետ Տարոն Մարգարյան, Հայ Առաքելական Սուրբ եկեղեցու Արարատյան հայրապետական թեմի առաջնորդանիստ Սուրբ Սարգիս եկեղեցում մասնակցել է Սուրբ Սարգիս զորավարի տոնին նվիրված հանդիսավոր միջոցառմանը:
Օրհնությունից հետո առաջնորդարանի դահլիճում տեղի է ունեցել թվով քսաներկու զինծառայողների պարգևատրման հանդիսավոր արարողություն, որի ժամանակ հուզիչ և ստանդարտից դուրս ելույթով է հանդես եկել նախագահը:
Մասնավորապես, նա դիմել է զինվորների ծնողներին և խնդրել՝ չհավատալ ասեկոսներին և, այսպես ասած, դուխով բանակ ուղարկել իրենց երեխաներին: Նախագահը, հավանաբար, ասեկոսե ասելով նկատի է ունեցել ապրիլյան պատերազմում տանկերի մեջ բենզին չլինելու, գոմեշի մսի կամ բանակին կարագի փոխարեն մարգարին մատակարարելու մասին տեղեկությունները, որոնք այդքան էլ չեն տեղավորվում ասեկոսե լինելու համատեքստում:
Հուզառատ ելույթում Սերժ Սարգսյանը վստահեցրել է ծնողներին, որ իրենք ամեն ինչ անում են, երևի իրենք ասելով՝ նկատի է ունեցել ամեն տարի միլիոններ հավատարմագրող Տարոն Մարգարյանին և այդ հարցում պակաս հետ չընկնող Վիգեն Սարգսյանին ու մյուս գեներալներին, որպեսզի քաջարի զավակներն ունենան համապատասխան միջոցներ՝ հայրենիքը, սահմանները, ընտանիքները, պատիվը պաշտպանելու համար: Մնում է հուսալ, որ Սերժ Սարգսյանն այդ «ամեն ինչ անելու» բառի մեջ դնում է նաև իրեն շրջապատող միլիոնատերերի կուլակաթափության հարցը: Այ դա կլինի իսկական «ամեն ինչ» անել, թե չէ եկեղեցում աղոթել, «Աստված ջան, զինվորիս լավ զինիր», դժվար թե իրականություն դառնա:
«Ամեն ինչ անելու» ոգևորիչ խոստումից հետո Սերժ Սարգսյանը սահուն անցում է կատարում սթափեցնող խոսքի.
«Եվ համոզված եղեք՝ գալու է ժամանակ, երբ դարձյալ կարիք է լինելու հայրենիքի պաշտպանի, բայց իրավիճակը բոլորովին այլ է լինելու»:
Այս նախադասությունն իրականում պաշտոնական հաղորդագրությունում չի ունենում տրամաբանական շարունակություն և չի մեկնաբանվում՝ ինչ ասել է թե դարձյալ հայրենիքի պաշտպանի կարիք է լինելու, բայց խոսքից կարելի է նաև հասկանալ, որ սա նոր հավանական պատերազմի մասին ակնարկ է:
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Ո՞վ է ԶՊՄԿ-ում մաhաgած աշխատակիցը
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
Խարդախության նոր ալիք է, ուշադիր եղեք... մի պատասխանեք զանգերին
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
Մահացել է բալետի արտիստ Սերյոժա Պետրոսյանը
Ձերբակալվել է Նոյեմբերյանի համայնքապետ Արսեն Աղաբաբյանը
