Ո՞ր նստավայրում է նախագահելու Արմեն Սարգսյանը՝ Լոնդոնո՞ւմ, թե՞ Երուսաղեմում
Արմեն Սարգսյանը տաղանդավոր մարդ է և մեծ շնորհներ ունի, սակայն նա եղել է Մեծ Բրիտանիայի դեսպանը ու եկել մի երկրից, որը Հայաստանը ոչնչացնելու միտում ունի: Այս մասին լրագրողների հետ հանդիպմանն ասաց «Ղարաբաղ» կոմիտեի անդամ Աշոտ Մանուչարյանը, ով Արմեն Սարգսյանի համակուրսեցին է: Նրանք սովորել են Երևանի պետական համալսարանի ֆիզիկայի ֆակուլտետում:
Աշոտ Մանուչարյանի խոսքով՝ Մեծ Բրիտանիան Հայաստանը ոչնչացնելուն ուղղված ծրագրեր է իրականացնում, որոնցից մեկը Ամուլսարի հանքի շահագործումն է:
«Փառք Աստծո, որ այստեղ Մեծ Բրիտանիայի ուղիղ ներկայացուցիչ է հայտնվում, մենք, իհարկե, դա պետք է ողջունենք: Եթե առաջ մենք չգիտեինք, թե ում դիմենք, հիմա կոնկրետ հասցեատերն արդեն ունենք, հիմա արդեն բացահայտ է: Օրինակ՝ Ամուլսարի հետ կապված մենք ուղիղ կհարցնենք բրիտանացիներին, թե ինչո՞ւ եք որոշել մեզ ոչնչացնել, ուղիղ ներկայացուցիչն արդեն կլինի»,- ասաց նա:
Մյուս կողմից էլ՝ Աշոտ Մանուչարյանը նկատում է, որ Հայաստանը երբեք չի կառավարվել Բաղրամյան 26-ից, այն կառավարվել է կա՛մ Ազատության հրապարակից, կա՛մ միշտ եղել է արտաքին կառույցների կամակատար, խոսնակ, որը ներկայացրել է Հայաստանը:
Նա փոքրիկ ակնարկով նշեց, թե ինչպես բրիտանացի մի պաշտոնյայի խնդրել է բացատրել իրեն իր դասագրքում զետեղված մի նկար, որտեղ երկու նավ է պատկերված. առջևից գնում է մեծ նավը՝ վրան ԱՄՆ գրառմամբ, հետևից՝ փոքր նավը՝ Բրիտանիա գրությամբ:
«Այդ պաշտոնյան ասաց, որ այդ նկարը ճշգրիտ նկար է, ուղղակի այնտեղ փոքրիկ բացթողում կա, թե որ նավից են հնչում հրահանգները, ես սա, իհարկե, ինձ դաս ընդունեցի, իսկ երբ ծանոթներիցս մեկն ասաց, որ Արմեն Սարգսյանին ՀՀԿ-ն ներկայացրեց որպես նախագահի թեկնածու, հարցրեցի՝ ինչ նստավայրում՝ Լոնդոնո՞ւմ, թե՞ Երուսաղեմում: Այսինքն՝ խնդիրը հետևյալն է, որ Հայաստանի արտաքին կառավարման համակարգն արդեն հստակ բյուրեղանում է»,-նշեց Մանուչարյանը՝ բացատրելով, թե ինչ նկատի ունի Երուսաղեմ ասելով:
Բանն այն է, որ կա հին Երուսաղեմ, որը երկրի հոգևոր կիզակետերից մեկն է: Եվ կա Նոր Երուսաղեմ, որի կարևորագույն փողոցներից մեկը «Ուոլ սթրիթ»-ն է, որը գտնվում է Նյու-Յորքում, որն էլ հենց Աշոտ Մանուչարյանը նկատի ուներ:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
