Տրանսպորտային համակարգի ներդրումը կործանարար է լինելու, ո՞վ պետք է փողը տա

Երևանում տրանսպորտային համակարգի ներդրումը կործանարար է լինելու: «Անդրադարձ» մամուլի ակումբում ասուլիսի ժամանակ նման համոզմունք հայտնեց «Սպառողների ասոցիացիա» ՀԿ նախագահ Արմեն Պողոսյանը:

Հրավիրվելու է օպերատոր, որը իրենց լեզվով նույն սեփականատերն է, ինչպես ջրի դեպքում է:

«Գալիս է արտասահմանյան կառույց ու բերում իր ավտոբուսները, ո՞վ պետք է փողը տա: Քաղաքապետարանի ծրագրով օպերատորը քաղաքապետարանից ստանում է իր հասանելիք գումարը, քաղաքապետարանը՝ բյուջեից»:

Արմեն Պողոսյանի խոսքով՝ վարորդն աշխատում է 12 ժամ, դա հանցագործություն է: Հիմա ստացվում է, որ մի վարորդը դարձավ 2, այսինքն՝ ծախսն ավելացավ:

«Ասում են՝ չգիտենք՝ ինչքան կարժենա, չկա 18 մետրանոց ավտոբուս, որը 4-5 անգամ թանկ չլինի սովորական ավտոբուսներից, եթե մենք չենք կանխատեսում, եղավ ի՞նչ: Ծաղր»:

«Սպառողների ասոցիացիա» ՀԿ նախագահի մոտավոր հաշվարկներով 1000 վարորդ մոտավորապես կզրկվի աշխատանքից: Նա չի բացառում, որ դրան կարող է սոցիալական բունտ հետևել:

«Մեր նախկին քաղաքապետերից մեկը շուրջ 70 տնտեսվարողներին հրավիրել ու ասել է՝ ձեր բոլորի ծառայություն մատուցելու ժամկետն ավարտվում է, նոր միկրոավտոբուս մի բերեք, ձեր ռեսուրսները ծախսեք ավբտոբուս կամ տրոլեյբուս ձեռք բերելու համար: Գագիկ Բեգլարյանն էր, այսինքն՝ կան լուծումներ, ու մարդը գտել էր լուծումը»,- ասաց Պողոսյանը:

Տրասնպորտի գինն, ըստ Պողոսյանի, ավելի ցածր պետք է լինի, քան կա, քանի որ հարկումից խուսափած միջոցներ կան: Քաղաքակիրթ տրանսպորտ ունենալու դեպքում գինը կաճի, բայց մոտակա ժամանակահատվածի համար կարելի է այնպես անել, որ տրանսպորտի սակագինը նույնիսկ նվազի: