Գրագիտությամբ չփայլող պատգամավոր Նորա Առուստամյանի զվարճալի մտքերը
Այս օրերին անընդհատ քննարկվում է պատգամավոր Շուշան Պետրոսյանի՝ Ազգային ժողովի ամբիոնից հնչեցրած պաթոսախեղդ ելույթը՝ իր ետևում թողնելով մեկ այլ պատգամավորի՝ «Ծառուկյան» դաշինքից Նորա Առուստամյանի ուշադրության արժանի հարցազրույցը: Այս իրավիճակում Առուստամյանի մտքերը լայն ծավալում չստացան, քանի որ հասարակության ակտիվ զանգվածը ուշադրության կենտրոնում պահեց Շուշան Պետրոսյանին, բայց մեր ամենատես աչքից չվրիպեց նաև Առուստամյանի հարցազրույցը: Եթե Պետրոսյանի դեպքում հայրենասիրության մասին ելույթը պարզապես ճռճռան բառերով էր համեմված, ապա բառաֆոնդի նոսրության խնդիր է Առուստամյանի խոսքում:
Այս պատգամավորը, ով սիրով և մեծ պատրաստակամությամբ հարցազրույց է տալիս, պետք է խոսելուց առաջ զբաղվեր ընթերցանությամբ. հայտնի փաստ է, որ մարդու բառապաշարը զարգացնող միակ ելքը դա է: Հարուստ կենսագրությամբ այս կինը թեպետ ճոխ կենսագրական տվյալներ ունի՝ կրթության առումով, սակայն ստացած կրթությունն ըստ արժանվույն չի արտացոլվում իր խոսքում: Հավանաբար, տիկին Առուստամյանի դեպքում կրթություն ստանալն ինքնանպատակ է եղել և, երևի թե, այդ գործում իրեն աջակցություն է ցուցաբերել հայրիկը՝ Սեդրակ Առուստամյանը, «Մուլտի Գրուպ Կոնցեռնի» գործադիր տնօրենը:
Անցում կատարելով խոսքի հմտության բացակայության թեմայից՝ փորձենք նաև հասկանալ Առուստամյանի քաղաքական հայացքները: Լրագրողը պատգամավորից ճշտում է, թե ինչ վերաբերմունք ունի կառավարության աշխատելաոճի հանդեպ. պատասխանը թերևս ապշեցուցիչ է.
«Կառավարությանը չեմ համարձակվի որևէ գնահատական տալ»:
Նման պատասխան տվող պատգամավոր պատկերացնո՞ւմ էիք, դե՝ տեսե՛ք:
Հաջորդ հարցի պատասխանը թերևս ավելի հեռու է քաղաքականության մեջ գտնվող մարդու դեպքում: Հարցին, թե Ձեզ ընդդիմադիր պատգամավոր համարո՞ւմ եք, Առուստամյանը շեշտեց․
«Ես «Ծառուկյան» խմբակցության պատգամավոր եմ»:
Անմեկնելի այս պատասխանով կարելի էր ավարտել սույն հոդվածը, բայց երրորդ պատասխանն ավելի հետաքրքիր է.
Նորա Առուստամյանը խուսափեց պատասխանելուն նաև այն հարցերին, որոնց անդրադարձել էր խմբակցության ղեկավար Գագիկ Ծառուկյանը․
«Ավելորդ եմ համարում ղեկավարիս մեկնաբանելը»:
Հիմա հարց մեզանից՝ տիկին Առուստամյա՛ն, Դուք ընդհանրապես հասկանո՞ւմ եք՝ որտեղ եք գտնվում, ի՞նչ պետք է անեք այդ շենքում, ինչո՞ւ են Արագածոտնի մարզի մի խումբ քաղաքացիներ Ձեզ ձայն տվել, թե՞ գիտեք Ձեր աշխատանքը սահմանափակվում է այդտեղ ֆիզիկապես գտնվելով և մի քանի կցկցտուր խոսք ասելով: Ի դեպ, քաղաքականության մեջ, բայց քաղաքականությունից կիլոմետրերով հեռու:
Հ.Գ. Սեպտեմբեր ամսին Նորա Առուստամյանը երկու արու զավակ է լույս աշխարհ բերել. խորհուրդ կտանք պատգամավորին վայր դնել մանդատը և զբաղվել երեխաների խնամքով: Այդ կերպ մեր երկրի, մեր պետության համար երիտասարդ պատգամավորն ավելի մեծ գործ արած կլինի՝ պահելով և դաստիարակելով երկու երեխայի:
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Ո՞վ է ԶՊՄԿ-ում մաhաgած աշխատակիցը
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
Խարդախության նոր ալիք է, ուշադիր եղեք... մի պատասխանեք զանգերին
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
Մահացել է բալետի արտիստ Սերյոժա Պետրոսյանը
Ձերբակալվել է Նոյեմբերյանի համայնքապետ Արսեն Աղաբաբյանը
