Քավ լիցի՝ ես ո՞վ եմ, որ մեղադրեմ ժողովրդին, եթե մարդիկ դուրս չգան՝ ոչինչ չի փոխվի»․ Նիկոլ Փաշինյան (տեսանյութ)

Հանրությունն իր դիրքորոշումը հստակ պետք է ցուցադրի՝ դուրս գա փողոց և պահանջի կասեցնել թանկացումները։ Այս մասին լրագրողների հետ զրույցում ասաց ԱԺ «Ելք» խմբակցության ղեկավար Նիկոլ Փաշինյանը։

«Ելք»-ն այս հարցում քաղաքացիներից ակնկալում է ավելի մեծ մանդատ, քան ընտրություններում ստացած ձայներն են:

«Եթե քաղաքացին այդ մանդատը տվեց, մենք այդ մանդատը կիրացնենք, եթե չտվեց, մենք կարձանագրենք, որ քաղաքացին այդ մանդատը շարունակաբար չտվեց մեզ: Մենք ուզում ենք, որ քաղաքացին, անհատն իր դերակատարությանը լրջորեն վերաբերվի»,- նշեց նա՝ հավելելով, որ եթե առաջին հավաքից հետո կարձանագրվի, որ հանրային մասնակցությունը մեծացնելու տեղ կա, ակցիաները կշարունակվեն:

Նիկոլ Փաշինյանը չի բացառում նաև, որ մարդիկ հնարավոր է փողոց դուրս չգան, բայց վստահեցնում է, որ չի մեղադրի ժողովրդին․ պարզապես փոփոխություններ տեղի չեն ունենա։

«Քավ լիցի՝ ես ո՞վ եմ, որ մեղադրեմ ժողովրդին, կամ որևէ քաղաքական ուժ ո՞վ է, որ մեղադրի, եթե դուրս չգան մարդիկ, ուրեմն փոփոխություններ չեն լինի»։

Մանրամասները՝ տեսանյութում․