«Մի ժողովուրդ, որ իր Պաշտպանության նախարարին «բոշա» անվանի, Կաթողիկոսի մասին անեկդոտ գրի, էտի էղավ երկի՞ր»

«Մի ժողովուրդ, որ իր պաշտպանության նախարարին բոշա անվանի, Կաթողիկոսի մասին անեկդոտ գրի՝ էտի էղավ երկի՞ր։․ Պաշտպանության նախարարից չեն վախենում Աստծուց գոնե վախենան»։ Լրագրողների հարցերին ի պատասխան՝ վրդովված ասաց ԱԺ Հանրապետական խմբակցության պատգամավոր, գեներալ Սեյրան Սարոյանը։

«Էս մեր գրածները սաղ թուրքերն էլ են կարդում: Մեր ժողովուրը, մեկը, որ իրա Պաշտպանության նախարարին «բոշա» անվանի, էտի եղավ էլ երկի՞ր, էլ բանա՞կ: Լսեք, արեք բանակին հարգենք, հարյուր անգամ ասել եմ, խնդրել եմ ձեզի, թողեք տենանք էս մարդը նոր նշանակած մարդ ա, մի տարի չկա, 7 տարվա էլ ծրագիր ա գրել, պտի մեր բանակը հզորացնի, փոխանակ սաղս օգնենք, ընկել ենք էս տղու հետևից, էնքան կանենք մինչև զզվի էդ մարդը, չաշխատի: Չի կարելի տենց: Թողեք տենանք՝ էս մարդը ինչ ա անում, հլը բան չարած արդեն փնովում ենք, խայտառակում ենք, քար ենք շպրտում, ցեխ ենք շպրտում, МЧС ենք կռվցնում բանակի հետ, ամոթ ա, չէ՞: Պաշտպանության նախարարից չենք վախում, կաթողիկոսից չենք վախում, գոնե Աստծուց վախենանք, արա, տենց չի կարելի: Խայտառակություն ա էսի հորս արև»:

Ամփոփելով հարցը՝ Սարոյանը նշեց, որ Վիգեն Սարգսյանը 7 տարվա ծրագիր է մշակել. «7 տարի պիտի սաղս օգնենք Վիգեն Սարգսյանին, որ մեր բանակը հզորանա, ուժեղանա, որ թուրքի հերն էլ անիծենք»:

Ինչ վերաբերում է փոխնախարար Արա Նազարյանի՝ Պաշտպանության նախարարի պաշտում նշանակվելու հավանականությանը, Սարոյանն ասաց. «Տո չէ, Արայիկը լավ փոխնախարար ա, կարգին տղա  ա, ազնիվ, ազնվագույն տղա ա»:

Հիշեցնենք, որ Պաշտպանության նախարար Վիգեն Սարգսյանը կոչ էր արել ֆեյսբուքյան էջում, որ պետք է վիրավոր զինծառայողի բուժման համար գումար հավաքել։ Այն բուռն քննարկումների առիթ է դարձել: Վիգեն Սարգսյանի կոչը բոշայություն անվանող օգտատիրոջն ի պատասխան Ֆեյսբուք սոցիալական ցանցում նախարարը գրել է. «Բոշան դու ես»: