Հայաստանի քաղաքական դաշտը կարկատում են վարչապետն ու նախագահը
Տարվա սկզբին լուր տարածվեց, որ ՀՀ նախագահ Սերժ Սարգսյանը հիվանդ է եղել, իսկ հետո պարզվեց, որ թեև տկարությանը, այցելել է Մոսկվա և Եվրոպա, իսկ վարչապետ Կարեն Կարապետյանին չէր հերիքել 10 օրը՝ արձակուրդը հավուր պատշաճի նշելու. հունվարի 8-ից վերցրել էր 4-օրյա նոր արձակուրդ և մեկնել արտերկիր, ամենայն հավանականությամբ՝ դարձյալ Մոսկվա:
Այս տարի Հայաստանին կառուցվածքային փոփոխություններ են սպասվում, և առանց արտաքին ուժերի հավանության, այդ փոփոխությունները, ըստ ամենայնի, տեղի չեն ունենա. ՀՀ քաղաքական գործիչներին պետք է մասնավորապես Ռուսաստանի բարի վերաբերմունքը:
Այս մոտեցումն արդեն կենսաձև է երկրի ղեկավարության համար: Նախ Սերժ Սարգսյանն է մեկնել Մոսկվա, երբ, սովորաբար, տոնական օրերին գերադասում է մնալ Հայաստանում, մասնակցել սուրբծննդյան արարողությանը, իսկ բացի կառավարման խնդիրներից, այլ խնդիրների համար նախագահը դժվար մեկներ Մոսկվա՝ այն էլ բացեիբաց այդ մասին պաշտոնական հայտարարություն չտարածելով: Եվ այդ ամենը սքողվում է ոչ պաշտոնական «թեթև մրսածությամբ»:
Կարեն Կարապետյանի «անժամանակ» արձակուրդը և մեկնումն արտերկիր՝ Ռուսաստան, ամենայն հավանականությամբ, նույնպես խոսում է քաղաքական վերաձևումների մասին: Վարչապետին լավ էլ հայտնի էր, որ նման արձակուրդն ամանորյա տոներից հետո արժանանալու է որոշակի վերաբերմունքի, քանի որ 2019-ից ամանորյա տոները նշվելու է միայն հունվարի մեկին և երկուսին: Այնուամենայնիվ, նա գնացել է այդ քայլին. դա ևս խոսում է «անժամանակ» արձակուրդի խիստ անհրաժեշտության մասին:
Քաղաքականության հարց է:
Եվ հետաքրքիր է, որ և՛ նախագահը, և՛ վարչապետն առանձին-առանձին են մեկնել, յուրաքանչյուրին տրվել են առանձին-առանձին խոստումներ: Այն ժամանակ, երբ երկիրը տոներն էր նշում, երկրի ղեկավարությունը ձևավորում էր 2018-ի ՀՀ վերնախավն ու բաժանում պաշտոնները:
Այժմ երկրի մեծ ու փոքր պաշտոնյաները, մեծ ու փոքր ՀՀԿ-ականները, նաև մյուս կուսակցությունները սպասում են եռակողմ հանդիպումների վերջնական արդյունքներին, որպեսզի յուրաքանչյուրն իմանա յուր տեղը Հայաստանի քաղաքական քարտեզի վրա: Ովքեր կմնան և ովքեր կգնան քաղաքական երկնակամարից, շուտով պարզ կլինի, առնվազն երկրի ղեկավարների և պաշտոնների սպասում ապրող չինովնիկական կորպուսի համար, իսկ բնակչությունը դեռևս փորձում է թանկացումները կուլ տալ:
Երկրի քաղաքական պարը մեկնարկելու է ավելի ուշ…
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
