Ի՞նչ կարող է թաքնված լինել Ժոզե Մոուրինյոյի «ներողության տակ»
2017 թվականն ավարտվեց, սակայն ֆուտբոլային աշխարհում, կյանքում ու գրեթե ամենուր շարունակում են ապրել ու մնալ հին տարվա իրադարձությունների հետևանքները։ Այդ ամենից չի կարող փախչել նաև ֆուտբոլային աշխարհը։ 2018 թվականի գալստյան հետ մեկտեղ Անգլիայում սկսվեցին ֆուտբոլային հանդիպումները։ Արդեն 8 օր է անցել, սակայն գրանցվել են մի շարք իրադարձություններ, որոնք լուսաբանման արժանի լինելուց զատ նաև շատ հետաքրքիր էին։ Ֆելիպե Կոուտինյոն վերջապես տեղափոխվեց «Բարսելոնա», տեղի ունեցան մի շարք տրանսֆերային շշուկներ, սակայն մեզ՝ հայերիս համար, ու կարելի է նշել նաև ամբողջ ֆուտբոլային աշխարհի համար ամենացնցողը «Մանչեսթեր Յունայթեդի» գլխավոր մարզիչ Ժոզե Մոուրինյոյի հարցազրույցն էր, որտեղ յուրահատուկը զարմացրեց բոլորին։
Անգլիայի գավաթի խաղարկության 1/32 եզրափակչում «Մանչեսթեր Յունայթեդը» սեփական հարկի տակ ուժերը չափեց «Դերբիի» հետ և հաղթեց 2-0 հաշվով։ Հանդիպման մեկնարկային կազմում խաղացող Մխիթարյանը շատ լավ ու ակտիվ եկավ առաջին խաղակեսում, սակայն երկրորդ խաղակեսի սկզբում նա փոխարինվեց։ Հանդիպման ավարտից հետո ասուլիսում Մոուրինյոն նշել էր.
«Դա արդար չէր։ Ես ներողություն եմ խնդրել Մխիթարյանից։ Նա լավ էր խաղում: Բայց ինձ պետք էր Ռոմելուն, քանի որ Ռեշֆորդը չէր կարողանում գոլ խփել, և ես «զոհաբերեցի» Միկիին»։
Ֆուտբոլասերներն ու ֆուտբոլային աշխարհը դժվար թե կարողանան հիշել այնպիսի մի դեպք, երբ Մոուրինյոն հակասել է իրեն և նշել, որ սխալ է վարվել ու դրա հետ մեկտեղ ներողություն խնդրել նաև ֆուտբոլիստից։ Ժոզեի այս հայտարարությունից հետո անգլիական սպորտային մամուլը սկսեց զանազան հոդվածներ հրապարակել, որտեղ բոլորը զարմանում էին, որ Ժոզեն ներողություն խնդրել գիտի։ Վերջին շրջանում Մխիթարյանի ու պորտուգալացի մասնագետի հարաբերությունները լարված էին ու ոչ ոք չէր կարող ենթադրել, որ Մոուրինյոն ինքը փոխարինման համար ներողություն կխնդրի։ Նրանք, ովքեր դիտել են հանդիպումը, ապա կարող են նշել, որ Մխիթարյանը թողեց լավ տպավորություն, սակայն այնպես չէր փայլում, ինչպես նախորդ մրցաշրջանի հանդիպումներում էր, և այս դեպքում մի քիչ տարօրինակ է դառնում այս ներողության փաստը։
Այս ամենի հետ պետք է նշել նաև, որ վերջին օրերին փոքր-ինչ քարացել են Մխիթարյանի տեղափոխության մասին լուրերը։ Մասնավորապես այն բանից հետո, երբ Ինտերի գլխավոր մարզիչ Լուչիանո Սպալետին հայտարարեց, որ «Ինտերը» չունի այնքան գումար, որ գնի Մխիթարյանին։ Սրան գումարվեց նաև «Մանչեսթերի» ուսումնամարզական հավաքը Դուբայում ու այն փաստը, որ թիմի հետ մեկնել է նաև Հենրիխը։ Սակայն տրանսֆերային պատուհանը դեռ չի փակվել և իրադարձությունների զարգացումը դեռ առջևում է։
Մնում է միայն սպասել ու տեսնել, թե ի՞նչ էր նշանակում այդ ներողությունը։ Միգուցե Մոուրինյոն փորձում է սիրաշահել հայ ֆուտբոլիստին ու ցույց տալ, որ նրա նկատմամբ ունի լավ տրամադրվածություն։ Մանավանդ որ «Մանչեսթերին» մոտ կանգնած լրատվամիջոցները նշում են, որ Մոուրինյոն ցանկանում է թիմում պահել հայ կիսապաշտպանին։
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Ո՞վ է ԶՊՄԿ-ում մաhաgած աշխատակիցը
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
Խարդախության նոր ալիք է, ուշադիր եղեք... մի պատասխանեք զանգերին
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
Մահացել է բալետի արտիստ Սերյոժա Պետրոսյանը
Ձերբակալվել է Նոյեմբերյանի համայնքապետ Արսեն Աղաբաբյանը
