Սերժ Սարգսյանի ամանորյա մոգությունը
«Միասին Հայաստան ենք վերադարձնելու երկրից հեռացած մեր հարազատներին: Նրանք գալու են, քանի որ Հայաստան հայրենիքում աշխատելու և իրենց դրսևորելու ավելի մեծ ասպարեզ են տեսնելու: Մեր աշխատանքի նպատակը մեկն է՝ բացել նոր հորիզոններ և հնարավորություններ, ստեղծել գործունեության լայն դաշտ Հայաստանի յուրաքանչյուր քաղաքացու համար»:
Այս խոսքերի հեղինակը ՀՀ նախագահ Սերժ Սարգսյանն է. հատված նախագահի ամանորյա ուղերձից:
1990-ականներից հետո շուրջ 1.5 մլն հայ հեռացել է Հայաստանից, և մեր երկրում ընտանիք չկա, որ ազգական չունենա օտար ափերում՝ կլինի Ռուսաստան, Եվրոպա, թե ԱՄՆ:
Ինչպե՞ս է նախագահը վերադարձնելու երկրից հեռացած ժողովրդին, ինչպե՞ս է ապահովելու աշխատանքով, բարեկեցիկ կենսապայմաններով, ինչը հենց երկրում ապրողների համար չի կարողանում ապահովել: Երկիրը թաղված է աղքատության մեջ, և ամանորյա տոնական սեղանները շատերի համար տարեկան մեկանգամյա ուրախություն են՝ պարտքով: Իսկ ո՞վ է ցանկանում այդպես ապրել. աշխատել՝ ցածր վարձատրվել, սովորել` ճանապարհը զիջելով տգետ կուսակցականի, նվիրվել երկրին՝ փոխարենը ապտակ ստանալով:
Նախագահին թվում է, որ որևէ մեկը, որ արտերկրում ապրում է քիչ թե շատ բարվոք պայմաններում, վերադառնալո՞ւ է՝ Հայաստանում գոյություն քարշ տա: Կամ որևէ հայ, լսելով նախագահական ամանորյա ուղերձը՝ պատրաստվելու է ու վերադառնա՞լ` ինչպես նախագահն է ասել:
Արդեն 25 տարուց ավելի է՝ երկրի նախագահը չի կարողանում անգամ նորմալ տրանսպորտ ապահովել իր քաղաքացիների համար. մարդիկ կանգնած կամ միմյանց փարված են տեղաշարժվում հանրային տրանսպորտով, մեծ է կոռուպցիայի մակարդակը, աղքատությունը 30 տոկոս է, իսկ իրական աղքատությունը` կրկնակի, երկրում անհնար է առանց քաշքշուկի բիզնես անել, հարկային ճնշումը մեծ է, իսկ խաբեությունն ավելի մեծ, գյուղոլորտում բարձիթողի վիճակ է և այսպես շարունակ:
Ամանորին ժողովուրդն իրական ու անկեղծ խոսքի կարիք ունի, ոչ թե խոսքերի մոգական ուժի. դրա ժամանակներն անցել են: Նախագահի խոսքերը, իհարկե, չէին կարող իրականությունից ելնել, քանի որ այն թաղված է աղքատության, թշվառության, չգնահատանքի և չգնահատվածության, արտագաղթի մեջ:
Նախագահին այլ ելք չէր մնացել, քան դիմել խոսքերի մոգությանը, իսկ Ամանորի մոգական գիշերը Սերժ Սարգսյանն իր մոգությամբ ցրեց Ամանորի կախարդանքը: Նախագահը ևս հասկանում է, որ իրական երաշխիքներ տալ ժողովրդին չի կարող, մնում են միայն խոսքերը, որը և մատուցվեց նախագահի կողմից ամանորյա սեղաններին:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
