Կարեն Կարապետյանը կառավարությանը վախեցրել է՝ աշխատելու եք
Այսօր կառավարության հերթական և այս տարվա վերջին նիստն էր, որը սովորականից երկար է տևել. 71 հարց է եղել օրակարգում, ինչն իսկապես հազվադեպ է պատահում: Անգամ վարչապետ Կարեն Կարապետյանի չի կողմնորոշվել՝ կամ կառավարության անդամները հոգնել են, կամ՝ ոչ: Ինչևէ: Բայց որ կառավարության անդամներին ամանորյա նվեր է մատուցել՝ հաստատ է. վարչապետը վախեցրել է՝ աշխատելու եք 2018 թվականին:
Ասում են՝ կառավարության նիստերի դահլիճում սրտի կանգ և որովայնի կծկումներ են արձանագրվել, իսկ կառավարության շենքի ետնամասից շտապ օգնության մեքենաները ոմանց սթափ վիճակում, որքան էլ զարմանալի է, տեղափոխել են աշխատավայրեր:
Ասում են նաև՝ ողջ տարին կառավարության անդամներն աշխատել-չարչարվել են, որ կարողանան կառավարության աստիճանների ետնասանդուղքը ճարպկորեն բարձրանան-իջնեն, սովորել են սողոսկել կառավարության շենքից, աշխատել են, որ հնարավորինս լավ ու թանկարժեք մեքենաներ գնեն՝ անձնական օգտագործման համար, փորձել են տարբեր դրամաշնորհներ և վարկեր ճիշտ ձևակերպեն՝ քիմքին հարմար: Նաև փորձել են աշխատակիցներից, իհարկե անհաճո, ազատվել՝ չէ՞ որ դա էլ պակաս աշխատանք չէ, աշխատել են օրուգիշեր, որ իրենց մտերիմներին, թեկուզև տգետ, տեղավորեն աշխատանքի, աշխատել են զանգահարել սրան-նրան՝ հարցեր կարգավորեն, աշխատել են առավոտյան գոնե 12-ին լինեն աշխատավայրում՝ սթափ վիճակում:
Աշխատել են ընտրել առավելագույնս հարմար քարտուղարուհիների, մերձավոր-աշխատակիցների. այս գործը ևս հմտություն և նրբազգացություն է պահանջում, աշխատել են որքան հնարավոր է երկար լինեն արտերկրում, գուցե վաղը կամ մյուս օրը նախագահը նման հնարավորություն չտա:
Նաև աշխատել են «լավագույն օճառ» օպերացիայում, քանի որ մաքրող հեղուկներ օպերացիայի լիմիտը սահմանափակ է. այն տրված է հաշված անձանց:
Այնպես որ՝ Կարեն Կարապետյանը կարող էր կողմնորոշվել, որ այս տարի կառավարության անդամները հրաշալի աշխատել են և լավ արդյունքներ են ապահովել:
Եվ նրանց պետք չէ վախեցնել 2018 թ. աշխատանքի հեռանկարով. երկու վախը մի մահ է, չէ՞…
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
