Ի՞նչ են հայ հայտնիները ցանկանում Ձմեռ պապիկից…

Ամանորին հաշված օրեր են մնում, ու Ձմեռ պապից ակնկալիքները մեծ են։ Հայտնիները ևս իրենց ցանկություններն են հայտնել։

Արմեն Թադևոսյանը, որքան էլ Իմաստ է փնտրում,այնումենայնիվ գիտի, թե Ձմեռ պապիկից ինչ ցանկանա.

«Ուզում եմ, որ 2018 թվականի կատարվի այն, ինչ ես շատ-շատ ուզում եմ։ Ուզում եմ, որ մեր բոլորի ցանկություններն իրականան, ուզում եմ, որ մենք երբեք չմոռանանք մարդկային արժեքների մասին»:

Խաչիկ Եղոյանը Ձմեռ պապից ցանկանում է . «Արդեն քանի տարի Ձմեռ պապիկից բան չեմ ցանկանում, որովհետև արդեն վաղուց ինձ բան չի բերում, սակայն ամեն դեպքում, եթե որոշի ինձ որևէ բան բերել, ես կուզեմ, որ իմ նվերի փոխարեն բերի Հայոց աշխարհին վերջնական խաղաղություն, թող բոլոր պատերազմները մնան դասագրքերում, մեր հրեշտակ երեխաները պատերազմի մասին իմանան միայն նկարներից ու ֆիլմերից : Թող Ձմեռ պապը հավատք բերի մարդկանց հոգիներում և միմյանց հանդեպ ուշադրություն»:

Ամանորին Խաչիկ Եղոյանը մաղթեց. «Ամանորին և Սուրբ ծննդյան տոնին միշտ մաղել և մաղթում եմ հավատք առ Աստված ու Սեր: Երբ մեր մեջ, մեր սրտերում անկեղծ ունենաք Քրիստոսին կսիրենք և սիրված կլինենք ուրիշների կողմից, իսկ Սերը վեհ է ամեն բանից ու կարող է մեզ ամեն ինչ տալ: Շնորհավոր Ամանոր և Սուրբ Ծնունդ»:

Արմեն Վարդանյանը խորը հիասթափություն է ապրել Ձմեռ պապիկից…

«Ոչինչ չեմ ուզել Ձմեռ պապիկից, որովհետև անցյալ տարի իմացա, որ Ձմեռ պապիկ չկա))))»:

Ամանորին Արմեն Վարդանյանը մաղթեց. «2018-ին կմաղթեմ, որ Дед Мароз և Santa Claus ամբիցիոզ պայքարի արդյունքում չտուժեն աշխարհի երեխաները»։

Դերասան Արման Գևորգյանը հարցերի պատասխանները մեկտեղեց.

«2018 թվականին ցանկանում եմ ընդամենը  մեկ բան՝ ուզում եմ մեր հայրենակիցները շատ առողջ լինեն, իրենց  բարի գործերում շատ հաջողակ լինեն, երջանիկ լինեն, միշտ ուրախ  ու ժպտերես լինեն, ուզում եմ երբեք զինվորի կորուստ չլինի, ուզում եմ խաղաղություն լինի: Ու վերջում ուզում եմ, որ իմ գրած տեքստի պես ձեր բոլորի մեկը հազար լինի»:

Դերասան Արտյոմ Մարկոսյանը Ձմեռ պապիկից և 2018 թվականից մի ցանկություն ունի.

«2018 թվականին և միշտ ուզում եմ խաղաղություն»: