Հայաստանում գինու և կոնյակի արտադրությունն աճել է

2017 թվականի հունվար-հոկտեմբերին Հայաստանում արտադրվել է 24 մլն 850.2 հազար լիտր կոնյակ, ինչը նախորդ տարվա նույն ժամանակահատվածի համեմատ ավելի է 51,1%-ով: 2016թ. հունվար-հոկտեմբերին արտադրվել է 16 մլն 445.3 հազար լիտր կոնյակ: Տեղեկացնում է է ազգային վիճակագրական ծառայությունը:

Նշենք, որ հունվար-հոկտեմբերին Հայաստանում արտադրվել է 37.7%-ով ավելի գինի, քան նախորդ տարվա նույն ժամանակահատվածում: 2017թ. 10 ամիսներին արտադրվել է 6 890.8 հազար լիտր գինի` 2016-ի նույն ժամանակահատվածի 5 005.2 հազար լիտրի փոխարեն:

Ի դեպ, մասնագետները նշում են, որ հայերն օղի ավելի շատ են օգտագործում, քան գինի կամ կոնյակ. կարծիք կա, որ օղու բնօրրանը Հայաստանն է, այդ մասին են վկայում օղու վերաբերյալ առաջին արձանագրությունները:

Պատմությունը փոխանցում է, որ օղու վերաբերյալ առաջին տեղեկությունները պահպանվել են ուրարտական շրջանից ավելի վաղ են՝ հին սեպագրերում, որտեղ ասվում է, որ օղին աստվածների և թագավորների խմիչք է և հասարակ մահկանացուները չպետք է խմեն:

Բացի այդ, օղին համարվում է սոցիալական խմիչք և այս խմիչքը մեծ քանակով օգտագործել են աղքատ և ներքին խնդիրներ ունեցող երկրներում:

Իսկ գինին արդեն համարվում է մշակութային խմիչք, իսկ թե ինչու հայերը հրաժարվել են գինու մշակույթից և անցել օղու մշակույթին, մասնագետները բացատրում են, որ հայերը հրաժարվել են գինուց մոտավորապես 15-րդ դարում, երբ իսլամի ազդեցությունը տարածաշրջանում մեծացավ և իսլամն արգելում էր ալկոհոլը, իսկ արդեն ռուսական կայսրության ժամանակաշրջանում ռուսները նպաստեցին Հայաստանում օղու արտադրությանը և տարածմանը:

Հատկապես օղու ազդեցությունը մեծացավ Երկրորդ համաշխարհային պատերազմից հետո, երբ պատերազմից վերադարձան օղու մշակույթին սերտորեն առնչված զինվորները, և օղին հիմնավորվեց Հայաստանում վերջնականապես:

Բացի ալկոհոլային խմիչքների արտադրության աճից, ավելացել է նաև ալկոհոլի օգտագործումը, որը ևս ցածր կենսապայմանների հետևանք է: