«Զինեդին Զիդանի ողբերգությունը»․ Ինչո՞ւ «Բարսելոնան» «թաղեց» խեղճ ու անօգնական «Ռեալին»
Իսպանիայի առաջնության 17-րդ տուրում Մադրիդի «Ռեալը» «Սանտիագո Բեռնաբեու» մարզադաշտում հյուրընկալեց «Բարսելոնային» և պարտվեց խոշոր՝ 3-0 հաշվով։ Այս հաղթանակից հետո «Բարսելոնան» վաստակեց 45 միավոր, և միանձնյա գլխավորում է մրցաշարային աղյուսակը, իսկ «Ռեալը» 31 միավորով մնաց 4-րդ հորիզոնականում։
Եթե անկեղծ լինենք, ապա հանդիպումն այդքան էլ դրամատիկ չէր։ Ամբողջ հանդիպումն անցավ գրեթե նույն տեմպով, իսկ «Բարսելոնայի» խփած 2-րդ գնդակից հետո դաշտում կատարյալ հանդարտություն էր տիրում։ «Ռեալն» այս հանդիպմանը պետք է ներկայանար հարձակվողական կազմով, թերևս մամուլի ասուլիսներն էին այդպես ցույց տալիս։
«Ռեալի» պարտության առաջին պատճառներից մեկն այն էր, որ թիմն ուղղակի չէր խաղում։ Հարձակվողական գործողություններում ակտիվ էին միայն Լուկա Մոդրիչը, Մարսելոն ու Ռոնալդուն։ Բենզեմայի մասին խոսելն ավելորդ է, քանի որ նրա փոխարինման ժամանակ «Ռեալի» երկրպագուների սուլոցներն արդեն ամեն ինչ ասում են նրա մասին։
Կովաչիչը դաշտում էր, քանի որ Իսկոն կառուցում է, հարձակվում, ստեղծում ու գոլեր խփում, իսկ Զիդանը որոշել էր ռիսկի չդիմել ու մեկնարկային կազմում ընդգրկել Կովաչիչին, ով ավելի շատ խաղ քանդող ֆուտբոլիստ է։ «Բարսելոնայի» առաջին գոլի ժամանակ Կովաչիչը վայելում էր, թե ինչպես է մի ամբողջ խաղադաշտ կտրում անցնում Իվան Ռակիտիչը։ Զիդանն ինչպես միշտ արհամարհեց Ասենսիոյին ու Իսկոյին։ Այս Կլասիկոյում պարտություն կրեց Զիդանը, քանի որ «Ռեալը» չուներ տակտիկական խաղ, «Ռեալը» չուներ լավ կազմ, «Ռեալը» չէր կարողանում խաղալ ֆուտբոլ, «Ռեալն» ուղղակի պարտվեց, քանի որ շատ թույլ էր։
«Բարսելոնան» էլ իր հերթին չխաղաց այն ֆուտբոլը, որը մենք սովոր ենք տեսնել թիմից։ Վալվերդեն «Բարսելոնայում» փոխել է մի ամբողջ հոգեբանություն ու փիլիսոփայություն։ Այսօրվա «Բարսան» նման էր Ժոզե Մոուրինյուի թիմերին, քանի որ ապահովում են արդյունք, խաղում է հակագրոհներով ու գիտի շատ լավ պաշտպանվել։ Սուտ կլինի, եթե նշենք, որ կատալոնական թիմը ցուցադրեց շատ ուժեղ խաղ։ Մեսսին աննկատ էր խաղադաշտում, սակայն կարողացավ դառնալ այս խաղում «Բարսելոնայի» լավագույն ֆուտբոլիստը։ Լուիս Սուարեսն աստիճանաբար սկսում է վերագտնել իր խաղը։ Այսօրվա խաղում «Բարսելոնան» ցույց տվեց, որ այս պահին նա ավելի վստահ է ու ուժեղ «Ռեալից»։ Սակայն հանուն արդարության պետք է նշել, որ թե՛ «Ռեալը», և թե՛ «Բարսելոնան» գտնվում են շատ վատ մարզավիճակում։
Իսկ «Ռեալում» խնդիրները լուրջ են, քանի որ Զիդանը սիրում է Բենզեմային, Զիդանը պաշտպանում է իր հայրենակցին, Զիդանը հայտարարում է, որ «Ռեալը» հաղթելու է ու խաղալու է հարձակվողական ֆուտբոլ և պահեստայինների նստարանին թողնում է Իսկոյին, Ասենսիոյի ու Բեյլին։ Ներկայիս «Ռեալում» կա տակտիկական ու մարզչական խնդիր, որոնք պետք է լուծվեն ձմեռային տրանսֆերային պատուհանի ժամանակ, այլապես ուժեղ թիմերի դեմ խաղերում մենք կտեսնենք այսօրվա անօգնական ու խեղճ «Ռեալին»։
Հանուն արդարության պետք է նշել նաև, որ այսօրվա խաղը վերջին 15 տարվա ընթացքում ամենաանհետաքրքիր խաղն էր։ Կարմիր քարտ, 11 մետրանոց, 3 գոլ. սրանք խաղին դիտարժանություն չեն տալիս։
«Ռեալը» պարտվեց, քանի որ սա Զիդանի ողբերգությունն էր։ Օմար Մոմանին կպատկերի Զիդանին ու Բենզեմային, իսկ «Ռեալի» երկրպագուները կշարունակեն սուլել 2 ֆրանսիացիներին։
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Ո՞վ է ԶՊՄԿ-ում մաhաgած աշխատակիցը
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
Խարդախության նոր ալիք է, ուշադիր եղեք... մի պատասխանեք զանգերին
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
Մահացել է բալետի արտիստ Սերյոժա Պետրոսյանը
Ձերբակալվել է Նոյեմբերյանի համայնքապետ Արսեն Աղաբաբյանը
