«Ռեալ»-«Բարսելոնա». բուքմեյքերական կանխատեսումներ

Իսպանիայի առաջնության 17-րդ տուրում այսօր տեղի կունենա 2017-18 առաջնության առաջին Էլ Կլասիկոն. Մադրիդի «Ռեալը» սեփական հարկի տակ՝ «Սանտիագո Բերնաբեու» մարզադաշտում, կհյուրընկալի կատալոնական «Բարսելոնային»:

16 տուրերի արդյունքում «Բարսելոնան» մրցաշարային աղյուսակի առաջատարն է՝ վաստակած 42 միավորով (13հաղթանակ, 3 ոչ-ոքի, 0 պարտություն):

Մայրաքաղաքայինները 15 խաղ են անցկացրել՝ տանելով 9 հաղթանակ, 4 խաղ ավարտել են ոչ-ոքի արդյունքով և կրել են երկու պարտություն: Այս պահի դրությամբ Արքայական ակումբն ունի 31 միավոր և զբաղեցնում է 4-րդ հորիզոնականը՝ իրենից առաջ թողնելով «Ատլետիկոյին» (36 միավոր) և «Վալենսիային» (34 միավոր):

Ու չնայած «Ռեալի» ոչ այնքան բարեհաջող ցուցանիշին՝ William Hill բուքմեյքերական կենտրոնն ավելի շատ հավատում է հենց նրանց հաղթանակին՝ հավանականությունը գնահատելով 2.10 գործակցով: «Բարսայի» հաղթանակի հնարավորությունը մասնագետները գնահատել են 3.25 գործակցով, ոչ-ոքին՝ 3.75:

Հիշեցնենք, որ հանդիպումը մեկնարկելու է Երևանի ժամանակով 16:00-ին: