Ձկները թռչում են օլիգարխիայից բարձր
Կառավարությունում վարչապետ Կարեն Կարապետյանի գլխավորությամբ օրեր առաջ խորհրդակցություն էր. քննարկվում էր Արարատյան դաշտի ստորերկրյա ջրային ռեսուրսների խնդիրը:
Նշենք, որ Արարատի և Արմավիրի մարզերում ուսումնասիրություն է իրականացվել 239 ձկնաբուծական տնտեսությունների 584 խորքային հորերի նկատմամբ: Նշված ձկնաբուծական տնտեսություններից գործում է 124-ը, 160 ձկնաբուծական տնտեսություն ունի ջրօգտագործման թույլտվություն (ՋԹ-ով սահմանված ջրաքանակը՝ 24207 լ/վ): Այս տարվա ընթացքում 584 խորքային հորից փաստացի գումարային ջրաելքը կազմել է մոտ 23973 լ/վ և այն նվազեցվել է՝ հասցվելով մոտ 22499 լ/վ ջրաքանակի, որը 15 չգործող ձկնաբուծական տնտեսությունների 18 խորքային հորերը փականային ռեժիմի բերելու և 3 խորքային հոր կոնսերվացնելու արդյունք է:
Կարեն Կարապետյանը հանձնարարել է պետական բյուջեից հատկացնել անհրաժեշտ միջոցներ՝ ջրաչափիչ սարքեր տեղադրելու նպատակով.
«Մենք չենք ցանկանում խեղդել բիզնեսին, սակայն անհրաժեշտ է վերջինիս առավելագույնս մոտիվացնել, որպեսզի ջուրն արդյունավետ օգտագործի»:
Նշենք, որ այդ բիզնես կոչվածը տարիներ շարունակ ցամաքեցրել է Արարատյան դաշտի ստորերկյա ավազանը, և այժմ շուրջ կես մլն լ տարեկան ավելի շատ ջրաքանակ է հանվում, քան պետք է ավազանի վերականգնման համար, այն է՝ ստորերկրյա արտեզյան ավազանը չի վերականգնվում: Թեև Բնապահպանության նախարարությունից նշում են, որ ջրային հորիզոնները կայունանում են, սակայն կայունանալն անորոշ ձևակերպում է: Հետազոտությունները ցույց են տվել, որ կա որոշակի ջրաքանակ, որից ավելին հանելու դեպքում կառաջանան խնդիրներ, որոնք և այսօր առկա են Արարատյան դաշտում՝ անապատացում. ջրազրկում. բերքի անկում. հողի ջրապահանջարկի ավելացում:
Հետազոտությունները ցույց են տվել, որ տարիներ շարունակ այն ջրաքանակը, որը տրվել էր ջրային թույլտվություններով՝ խախտվում է. ձկնաբուծարանները, որպես կանոն, վերցրել են ավելի ջրաքանակ, քան սահմանված էր:
Ձկնաբուծարանները հսկայական բիզնես են՝ մեծ եկամտաբերությամբ. ժամանակին անգամ ջուրն էր անվճար, էլէներգիայի ծախս չէր արվում, իսկ եկամուտը հոսում էր:
Գաղտնիք չէ, որ Արարատյան դաշտի ձկնաբուծարնները պատկանում են երկրի հարուստ վերնախավին և այդ է պատճառը, որ միշտ կառավարությունը շրջանառության մեջ է դնում բիզնեսի շահերը՝ այն գերադասելով բնապահպանական շահերից:
Արդյունքում՝ մարդկային և կլիմայական փոփոխություններով պայմանավորված՝ այժմ Արարատյան դաշտում անապատացման երևույթները խորանում են:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
