Քաղաքացին անօգնական վիճակում ընկած է եղել հյուրասենյակի հատակին

Դեկտեմբերի 18-ին, ժամը 16:43-ին ահազանգ է ստացվել, որ Երևան քաղաքի Մամիկոնյանց փողոցի թիվ 29 շենքի բնակարաններից մեկի բնակիչը չի արձագանքում դռան թակոցներին. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները բացել են բնակարանի դուռը. հյուրասենյակի հատակին անօգնական վիճակում ընկած է եղել 1932 թ. ծնված Է. Մ.-ը, ում փրկարարները մոտեցրել են շտապօգնության ավտոմեքենային: Վերջինս հոսպիտալացվել է «Քանաքեռ-Զեյթուն», այնուհետև՝ «Էրեբունի» ԲԿ, ում առողջական վիճակը բժիշկները գնահատել են կայուն ծանր:

***

Դեկտեմբերի 18-ին, ժամը 11:30-ին ահազանգ է ստացվել, որ Երևան քաղաքի Քուչակ թաղամասի թիվ 20 շենքի բնակարաններից մեկի քաղաքացին անկողնուց ընկել է հատակին. բարձրացնելու և անկողնուն մոտեցնելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ։

Փրկարարները 1938 թ. ծնված Ջ. Մ.-ին ցուցաբերել են համապատասխան օգնություն:

***

Դեկտեմբերի 18-ին, ժամը 08:45-ին տեղեկություն է ստացվել, որ Երևան քաղաքի Ա. Խաչատրյան փողոցի թիվ 6 շենքի բնակարաններից մեկի վատառողջ քաղաքացուն 11-րդ հարկից իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները 1942 թ. ծնված Զ. Փ.-ին ցուցաբերել են համապատասխան օգնություն: