Հենրիխ Մխիթարյանի համար կպայքարեն իտալական «Ինտերն» ու «Յուվենթուսը»

Արդեն այսօր իտալական CalcioMercato-պարբերականը գրեց, որ Հենրիխ Մխիթարյանի տրանսֆերի համար կպայքարի նաև իտալական «Յուվենթուսը»։ Իտալական պարբերականները հաղորդում են նաև, որ «Յուվենթուսի» գլխավոր մարզիչ Մասիմիլիանո Ալեգրին դեռ 2016 թվականից ցանկանում էր ձեռք բերել հայ կիսապաշտպանին, սակայն Մխիթարյանն ընտրեց անգլիական «Մանչեսթեր Յունայթեդը»։

Պարբերականները հաղորդում են նաև, որ շատ հնարավոր է ամռանը «Յուվենթուսից» հեռանան Պաոլո Դիբալան ու Խուան Կուադրադոն և այդ դեպքում թիմում լուրջ խնդիրներ կլինեն փլեյմեյքերի դիրքում։ Մյուս կողմից օրեր առաջ արդեն հայտնել էինք, որ Մխիթարյանի տրանսֆերի համար կպայքարի նաև իտալական մյուս գրանդը՝ «Ինտերը»։ Մասնավորապես ինտերի մարզիչ Լուչիանո Սպալետին Ալեգրիի նման նա նույնպես ցանկանում է իր թիմում տեսնել Մխիթարյանին։

Ստացվում է այնպես, որ Հենոյի նկատմամբ ամենամեծ հետաքրքրությունը ցույց են տալիս իտալական 2 գրանդ ակումբները՝ «Յուվենթուսն» ու «Ինտերը»։ Երկու թիմերի մարզիչներն էլ ցանկանում են թիմում տեսնել Հենոյին և այն դեպքում, որ մոտ ապագայում նրանք կունենան խնդիրներ փլեյմեյքերի դիրքում։

Եթե ամեն ինչ լավ ընթանա ու ընտրության առաջ կանգնի Մխիթարյանը, ապա դա կլինի շատ բարդ, քանի որ իտալական 2 թիմերն էլ այս պահին ցուցադրում են փայլուն ֆուտբոլ ու իտալիայում պայքարում են չեմպիոնական տիտղոսի համար։ Դրա հետ մեկտեղ պետք է նշել նաև, որ 2 թիմերն էլ մարզում են իտալացի ամենաուժեղ մարզիչները, ովքեր կարողանում են բացահայտել ֆուտբոլիստների գաղտնի կողմերն ու ստեղծել տակտիկապես ուժեղ թիմ։

Անգլիական պարբերականներից մի քանիսն էլ գրում են, որ Մխիթարյանն իր վատ մարզավիճակի համար մեղադրում է «Մանչեսթեր Յունայթեդի» գլխավոր մարզիչ Ժոզե Մոուրինյոին։ Ստացվում է, որ Մխիթարյանի ու Ժոզեի հարաբերությունները գնալով ավելի են լարվում։ Նման պարագայում պետք է միայն սպասել ձմեռային տրանսվերային շուկայի բացմանն ու տեսնել, թե ո՞ր թիմը կընտրի Մխիթարյանը՝ «Ինտե՞ր», թե «Յուվենթուս»։

NEWSPRESS.am sport