Մեծ Բրիտանիայի արքայազն Հարիի հարսնացու Մեգան Մարքլին շրջանցել է iPhone 8-ը

Մեծ Բրիտանիայի արքայազն Հարիի հարսնացու Մեգան Մարքլի անունն ամենափնտրվածն է եղել համացանցում 2017 թվականին: Google-ում Մարքլն առաջ է անցել i phone 8-ից և «Իրմա» փոթորկից՝ ամենափնտրված անունով:

Տասն ամենափնտրված հարցումների մեջ է նաև Մանչեսթերում որոտացած պայթյունը և Գրենֆելլ թաուերում տեղի ունեցած հրդեհը:

Տարվա ամենաքննարկվող բառը «բիթքոին» բառն է եղել, որի վերաբերյալ հարցումները հիմնականում սկսվել են հետևյալ գրառմամբ՝ «ինչ է բիթքոինը» և «ինչպես գնել բիթքոին»:

2017 թվականին համացանցային տիրույթում շատ են եղել նաև հարցումներ տարբեր խաղերի, հատկապես սփիներների վերաբերյալ: Դրանք ամենափնտրվածների ցանկում չորրորդ տեղն են զբաղեցնում:

Google-ի տվյալներով «ինչպես» բառով սկսվող հարցումները ռեկորդային են եղել 2017 թվականին՝ ավելանալով 150%-ով:

Ամենափնտրվող տեղեկությունների ցանկում են եղել Լաս Վեգասում հնչած հրաձգության, Հյուսիսային Կորեայի և Կատալոնիայի անկախացման վերաբերյալ տեղեկությունները:

Մարդիկ սկսել են Google-ն օգտագործել ոչ միայն որպես տեղեկատվություն փնտրելու աղբյուր, այլ նաև որպես խորհրդատու: Օրինակ՝ եղել են հարցումներ՝ ինչպես դուրս գալ ճգնաժամային իրավիճակից, դառնալ կամավոր կամ ինչպես նվիրատվություն կատարել:

Ամենափնտրված մարդկանց ցուցակը գլխավորում է Մեգան Մարքլը, իսկ Ամերիկայի Միացյալ Նահանգների նախագահ Դոնալդ Թրամփը վեցերորդն է:

Ամբողջ աշխարհում ամենափնտրվածը եղել է «Իրմա» փոթորկի և i Phone 8 ու i Phone X -ի վերաբերյալ տեղեկատվությունը: