Կառավարությունն անցնում է ընդհատակ

Այսօր կառավարության հերթական նիստն էր, և եթե նախկինում շատ քիչ հարցեր էին, որ չէին զեկուցվում, կամ անցնում գաղտնի ռեժիմով, ապա այժմ ներկայացվող զեկույցների զգալի մասը չի զեկուցվում:

Ի վերջո հանրությանը հետաքրքիր է, թե ովքեր են բանակից ազատվող այդ երիտասարդները: Չէ՞ որ ոչ ոք չի բացելու կառավարության նիստերի օրակարգը և մանրամասներին ծանոթանա: Այսինքն՝ եթե ցանկանում են տարկետումը հանել, ապա դա որոշ մարդկանց վրա չի տարածվում: Միևնույնն է՝ կան հատուկ կարգավիճակ ունեցողներ, ովքեր կարող են բանակ չգնալ՝ կառավարության մակարդակով:

Կամ… «Նիսսան Սաննի» մակնիշի մեքենա են հետ վերցնում Ֆինանսների նախարարությունից. մեքենա, որն արժե 5,000,000.0 դրամ, նաև «Նիսսան Տիդա»՝ 7,264,000 արժեքով:

Նախկինում այս մեքենաները պատկանում էին Հայաստանի Հանրապետության ֆինանսների նախարարության «Գնագոյացման վերլուծական ինֆորմացիոն կենտրոն» պետական ոչ առևտրային կազմակերպությանը, որի լուծարումից հետո տրանսպորտային միջոցներն ամրացվում է «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին»:

Ի վերջո, այս ոչ պիտանի կառույցը տարիներ շարունակ իր տրամադրության տակ ունեցել է թանկարժեք մեքենաներ: Ինչպես հետո պարզվեց, այս ՊՈԱԿ-ը ոչ ոքի պետք չէ, սակայն անպիտան ՊՈԱԿ-ն էլ կարող է ունենալ թանկարժեք մեքենաներ: Կառավարության համար այս հարցը ևս չի զեկուցվելու:

Չի զեկուցվելու նաև միջուկային տեղակայանքներում վթարային իրավիճակների ճառագայթային հետևանքների գնահատման մեթոդաբանությանը հավանություն տալու մասին որոշման նախագծին և այսպես շարունակ:

Ինչպես երևում է կառավարությունը սկսել է վախենալ սեփական ստվերից և յուրաքանչյուր հարց փորձում է կարգավորել առանց հանրության իրազեկվածության:

Նաև չի բացառվում, որ տարեվերջ է և զգուշանում են բարձր ցուցանիշների մոլուցքի մեջ սխալներ ցուցադրելուց. ինչ էլ որ լինի կառավարությունը զգուշանում է հանրությունից, և չզեկուցվող նախագծերի առատությունն ապացույց է, որ՝ ինչքան քիչ իմանան, այնքան հանգիստ կքնեն կառավարությունում:

NEWSPRESS.am