Գազավորված ըմպելիքները թմրամիջոցի էֆեկտ ունեն. ՀՀ-ում դրանց ծավալն ավելացել է

ՀՀ ազգային վիճակագրական ծառայության հրապարակած տվյալների համաձայն՝ 2017 թվականի հունվար-հոկտեմբեր ամիսներին Հայաստանում արտադրվել է 78 մլն 331 հազար լիտր ոչ ալկոհոլային ըմպելիք: Նախորդ տարվա համանման ցուցանիշի համեմատ արտադրության ծավալներն ավելացել են 30,4%-ով:

Ինչ վերաբերում է բնական հյութերին, հունվար-հոկտեմբերին Հայաստանում հյութերի արտադրության ծավալներն անցյալ տարվա համանման ցուցանիշի համեմատ նվազել են 5.5%-ով և կազմել 9 506.8 հազար լիտր:

Գազավորված ըմպելիքներից մասնագետները խորհուրդ են տալիս հրաժարվել, քանի որ օգտագործումից քիչ հետո օրգանիզմում բարձրանում է շաքարի պարունակությունը, արյան մեջ բարձրանում է ինսուլինը, իսկ կոֆեինը ներծծվում է արյան մեջ, բարձրանում է արյան ճնշումը, կանխվում է քրտնարտադրությունը:

Կարճ ժամանակ անց օրգանիզմում բարձրանում է դոֆամինի մակարդակը, և մարդու մոտ սկսվում է այն ռեակցիան, որը, սովորաբար, տեղի է ունենում հերոին օգտագործելուց հետո:

Գազավորված ըմպելիք ընդունելուց որոշ ժամանակ անց ծանրաբեռնվում է նյութափոխանակությունը, և օրգանիզմից մեզի միջոցով հեռանում են կալցիումը, ցինկը, մագնեզիումը, ջուրը:

Նշենք, որ հայկական շուկայում գազավորված ըմպելիքների մեջ ձևավորվում է բենզոլ, որը թունավոր հատկանիշներ ունի: Բացի այդ, ըմպելիքներում առկա է կոֆեին, որը մեծացնում է սրտի ծանրաբեռնվածությունը:

Ահա նման բաղադրություն ունեցող ըմպելիքների արտադրության ծավալը Հայաստանում ավելացել է, իսկ բնական հյութերը, որոնք հարուստ են վիտամիններով, նվազել: Գազավորված ըմպելիքները հերթական անառողջ սննդատեսակն է, որ մեծ քանակությամբ արտադրվում է, նաև այս տարի աճել է: Այս դեպքում, սակայն, ուրախանալու առիթ չկա՝ հերթական թունավոր սննդատեսակն է շուկայում ավելացել, որը բացի ոչ օգտակար նյութերից, առաջ է բերում անընդհատ խմելու մոլուցք, ինչպես թմրամիջոցներ օգտագործելիս և նման ըմպելիքների արտադրության ծավալի ավելացումը հենց թմրամիջոցների էֆեկտի մասին է վկայում:

NEWSPRESS.am