Եվս 40 մլն պարտք՝ «ոչմիբանի» համար
ԱԺ-ն այսօրվա արտահերթ նիստում քննարկում է ՀՀ և Ասիական զարգացման բանկի միջև «Հանրային արդյունավետության և ֆինանսական շուկաների ծրագիր. ենթածրագիր 1» վարկային համաձայնագիրը վավերացնելու մասին օրենքի նախագիծը:
Նշենք, որ վարկի ստացումը հնարավորություն կտա սահուն կերպով իրականացնել 2017 թվականը և ունենալ ֆինանսական կայունության ապահովում։ Գումարի չափը լինելու է 40 մլն ԱՄՆ դոլար, մարման վերջնաժամկետը՝ մինչև 2031 թվականը ներառյալ: Կառավարությունը պետք է ջանքեր գործադրի, որ մինչև 2017 թվականի ավարտը վարկը ներգրավի: Մարման ժամկետը 15 տարի է, 3 տարին՝ արտոնյալ։ Վճարումները կատարվելու է 24 մասով՝ 2020 թվականից սկսած. ներկայացրել է ՀՀ ֆինանսների նախարարի տեղակալ Արմեն Հայրապետյանը:
Թե ինչ նկատի ուներ փոխնախարարն ասելով՝ ֆինանսական կայունության ապահովում, դժվար է ասել: Փոխնախարարն էլ երևի շատ բան չգիտի, պայմանագիրը տվել են նրա ձեռքը, ասել՝ ներկայացրու: Ինքն էլ ներկայացնում է: Կառավարությունը որոշել է հերթական աճպարարությամբ վարկ կորզել և անունը կնքել «ֆինանսական կայունություն ապահովելու համար»:
Հետաքրքիր է՝ ինչերի՜ չեն գնա իշխանությունները, որ վարկերի համար հիմքեր մոգոնեն: Քանի որ խողովակաշարերի, ճանապարհների, ջրագծերի համար գումար արդեն դժվարությամբ են ստանում՝ նկատի ունենալով անցյալի դառը բազմաթիվ փորձերը, ապա մնում է «այնպես անել, որ ոչինչ չասել և չանել» բանաձևը:
«Քանի որ մեր բյուջետային տարիները լինում են դեֆիցիտով, այդ վարկը փակելու է եկամուտների և ծախսերի տարբերությունը: Սա արտաքին աղբյուրներից ներգրավվող վարկային ռեսուրս է, որն ուղղվում է ընդհանուր բյուջետային կայունությունն ապահովելու համար»,-ասել է Արմեն Հայրապետյանը։
Իհարկե, վարկատու բանկն արգելում է վարկը ծախսել մի քանի ապրանքների ձեռքբերման վրա, որոնցից են՝ ալկոհոլային խմիչքները, ծխախոտը, ծխախոտի թափոնները, մշակված ծխախոտը՝ ծխախոտին փոխարինող նյութ պարունակող կամ չպարունակող, ռադիոակտիվ նյութերը և դրանց հետ կապված նյութերը: Մարգարիտներ, թանկարժեք և կիսաթանկարժեք քարեր, մշակված կամ չմշակված, նաև ատոմային ռեակտորներ և դրանց մասեր, վառելիքի էլեմենտներ (քարթրիջներ), չճառագայթված, ատոմային ռեակտորների համար, ծխախոտի մշակման սարքավորումներ: Ինչպես կասեին՝ էլ ի՞նչ մնաց:
Եթե բանկն արգելում է գումար ծախսել վերոնշյալ ապրանքների ձեռքբերման վրա, ապա մնում է խաղալ բյուջեի, ֆինանսական կայունություն ասվածի վրա՝ անունը կա, ամանումը չկա: Իսկ բանկը չի՞ հասկանում, թե նման վարկը Հայաստանում ինչպես են օգտագործում: Իհարկե, տեղյակ է, սակայն Ասիական զարգացման բանկին պետք են մեր երկրի նման անհաշվենկատ և ընչաքաղց երկրներ՝ իրենց փողերն իրացնելու համար: Կույրին ի՞նչ է պետք՝ երկու աչք, որոնցից մեկը Հայաստանն է. նման անմիտ վարկեր ՀՀ պետական պարտքում՝ ինչքան ուզեք: Վարկերն առանց դժվարության հոսում են նախ իշխանավորների գրպանները, հետո՝ արտերկրի հաշվիվները. այս մեխանիզմը նման անմիտ վարկերի պարագայում անխափան գործում է:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
