Մեր ծառերը քո Reebok-ին վնաս չեն
Ապրիլ ամսին, երբ Դավթաշեն վարչական շրջանում ծառահատման դեպք էր գրանցվել, մինչև նախագահ հարցը քննարկվեց: Սերժ Սարգսյանն անգամ այն «բարբարոսություն» էր որակել, քաղաքապետ Տարոն Մարգարյանն էլ տեղի ունեցածը որակել էր «վանդալիզմ»՝ նշելով, որ վարչական տույժի կիրառումն այս դեպքում բավարար չէ, և օրենքը թույլ է տալիս նման դեպքերում քրեական պատասխանատվության ենթարկել օրինախախտներին:
Ի՞նչ խոսք, իշխանություններից եկող նման ելույթները գովելի էին, մի պահ անգամ զարմանալի թվաց այս հետևողականության բարձր մակարդակը, բայց պարզվում է, որ այս հետևողականությունը վերաբերում է միայն անթիկունք մարդկանց, դա էլ, ինչպես ասում են, կյանքն է ցույց տվել:
Օրերս, երբ տեղեկություն ստացվեց այն մասին, որ Երևանում ծառահատման դեպք է գրանցվել, մարդիկ շունչները պահած սպասում էին, թե երբ է քաղաքապետը հոխորտալու, Սերժ Սարգսյանը գնալու բարբարոսի հետևից կամ ինչպես են իրավապահները թակելու կտրողի դուռը:
Բայց…
Բայց այդպես չեղավ, ծառահատման հեղինակը Դավթաշենի նախկին թաղապետ ու պատգամավոր Ռուբեն Գևորգյանի (Ծաղիկ Ռուբո) դուստրն է՝ Արմենուհի Գևորգյանը, ով փորձում է ընդլայնել իրեն պատկանող «Reebok sports club»-ը:
Այստեղ ապշեցուցիչը հատկապես ՀՀ բնապահպանության նախարարության բնապահպանության և ընդերքի տեսչական մարմնի գնահատականն էր, համաձայն որի՝ Երևանում 28 ծառ ոչնչացնելն օրինական միջոցառում է:
Տեսչության տարածած պարզաբանման մեջ ասված է.
«Դավթաշեն Տիգրան Պետրոսյան փող. 44/7 հասցեում հատվել է 28 ծառ, ներկայացվել է անշարժ գույքի նկատմամբ իրավունքների պետական գրանցման վկայականը, ծառահատումն իրականացվել է սեփականատիրոջ կողմից լիազորված անձի կողմից։ Նախնական ուսումնասիրության համաձայն՝ բնապահպանական իրավախախտում առկա չէ»։
Դե ինչ, մնում է միայն արձանագրել, որ մեր երկրում անօրինականությունները վերահսկվում են ամենաբարձր մակարդակով:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
