«Լինգարդը Միկիից լավն է․ Մենք այլևս չենք ուզում մեր կազմում տեսնել Մխիթարյանին»
Անգլիայի պրեմիեր լիգայի 15-րդ տուրի շրջանակներում «Մանչեսթեր Յունայթեդը» հյուրընկալվելիս 3-1 հաշվով հաղթեց Լոնդոնի «Արսենալին»։ Այդ խաղում դուբլի հեղինակ դարձավ Ջեյսի Լինգարդը։ Հանդիպմանը բացակայում էր հայ կիսապաշտպան Հենրիխ Մխիթարյանը, ով նույնիսկ չէր մեկնել Լոնդոն, քանի որ մարզվում է անհատական ծրագրով։ Մխիթարյանը հույս ունի, որ կվերականգնի իր լավագույն մարզավիճակը։
Սակայն օր օրի ֆանտաստիկ խաղ է ցուցադրում Ջեյսի Լինգարդը, ով հիմնական կազմում փոխարինում է Մխիթարյանին։ «Արսենալի» նկատմամբ տարած հաղթնակից հետո թիմի թվիթթերյան միկրոբլոգում բազմաթիվ մեկնաբանություններ էին գրել անգլիական թիմի երկրպագուները, ովքեր շատ բարձր են գնահատում Լինգարդին ու համեմատականներ են տանում Հենոյի հետ․ «Ջեյսին ֆանտաստիկ խաղ է ցուցադրում ու Միկիից լավն է», «Եթե մենք ունենք Լինգարդի պես ֆուտբոլիստ, ապա այլևս չենք ուզում մեր կազմում տեսնել Մխիթարյանին»։
Օրեր առաջ Լինգարդին ու Մխիթարյանին համեմատել է նաև «Մանչեսթերի» նախկին ֆուտբոլիստ Փոլ Սքուլզը, ով, մասնավորապես, նշել է. «Հնարավոր է, որ Լինգարդի թիմակիցները նրան այնքան էլ չեն վստահում: Ջեյսին չունի այնքան մեծ անուն, որքան Մխիթարյանը, սակայն նա ունի ունակություններ: Ջեյսին ունի նույն մակարդակի ունակություններ, ինչպես Մխիթարյանը»։
Սքոուլզի խոսքերի իրական ապացույցը Լինգարդի փայլուն խաղն է, ով վերջին 2 խաղում խփել է 3 գնդակ ու ցույց տվել փայլուն խաղ։ Մխիթարյանը հիմա պայքարում է Լինգարդի հետ, իսկ ամիսներ առաջ Լինգարդը պահեստայինների նստարանին նստած սպասում էր իր շանսի։ Լինգարդը խաղավարտին փոխարինում էր Մխիթարյանին կամ այդպես էլ խաղադաշտ դուրս չէր գալիս։
Իսկ հիմա․․․
Հիմա Լինգարդը խաղադաշտում է, խփում է գոլեր ու ցուցադրում հրաշալի խաղ, իսկ Մխիթարյանը մարզվում է անհատական ծրագրով ու բացակայում է անգամ թիմի հայտացուցակից։
Շատ հնարավոր է, որ Մխիթարյանն իր վերջին շանսը ստանա Անգլիայի պրեմիեր լիգայի 16-րդ տուրում, որտեղ մրցելու է «Մանչեսթեր Սիթիի» հետ։ Թիմի կազմում բացակայելու է Պոլ Պոգբան, ով կարմիր քարտ ստացավ «Արսենալի» դեմ խաղում։ Միգուցե Ժոզեն Մխիթարյանին մտցնի խաղադաշտ, ով Պոգբայի փոխարեն կկատարի փլեյմեյքերի պարտականությունները։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
