Հովիկ Աբրահամյանը չի թարգել հին «խասյաթը»

Մի անգամ, երբ Հովիկ Աբրահամյանից հետաքրքվել էին, թե որտեղից նրան այդքան հարստություն, պատասխանել էր, որ զբաղվում է գյուղատնտեսությամբ, թեև Հայաստանում, ինչպես հայտնի է, գյուղատնտեսությամբ զբաղվողները ոչ թե հարստանում են, այլ օրվա հացի փող են վաստակում:

Ինչևէ:

Իհարկե, բոլորին է հայտնի, որ Հովիկ Աբրահամյանը, թեև զբաղվում է գյուղատնտեսությամբ, ունի խաղողի, ծիրանենու և այլ բանջարաբոստանային կուլտուրաների հսկայական այգիներ, գյուղատնտեսական նշանակության հողատարածքներ, գործարաններ և այլ օբյեկտներ, սակայն նրա հարստության հիմնական աղբյուրը հարստության լուսադեմին թղթախաղն է եղել:

Այնպես չէ, որ իշխանության տարբեր օղակներում հեռու են թուղթ խաղալու մոլուցքից, ուղղակի Հովիկ Աբրահամյանը, ըստ շրջանառվող լուրերի, լավագույն թուղթ խաղացողներից է եղել:

Ի դեպ, ժամանակին Երևանի տարբեր բնակարաններում թղթախաղի կենտրոններ կային, այժմ էլ կան, որտեղ հավաքվում են իշխանական լավագույն ներկայացուցիչները՝ թղթախաղի համար, դե լիցքաթափվում էին, և′ լիցքաթափվում են, և′ ԶԼՄ-ների աչքով չեն չեն ընկնում:

Այժմ էլ պարզվում է, որ Հովիկ Աբրահամյանը չի թարգել թղթախաղը, նա 20 մլն դոլար է տարվել. երբեմն նրան հանդիպում են արժանի հակառակորդներ:

Պատմում են, որ 1999-ին էր խոշոր կորուստ ունեցել, նաև 2005-ին Մոսկվայում. մեծ ու փոքր այլ ձեռքբերումները մամուլ չեն հասել:

Դեռևս 1999թ. մամուլում հայտնվել էր Հովիկ Աբրահամյանի՝ թղթախաղում տարվելու մասին հերթական լուրը, երբ մամուլի կրպակներից ամբողջությամբ հավաքեցին թերթի համարները, միայն հատուկենտ համարներ մնացին, որոնք ձեռքից ձեռք էին անցնում, և մարդիկ ուշադրությամբ ընթերցում էին Աբրահամյանի կյանքից հետաքրքիր տեղեկությունը:

Իհարկե, այժմ Հովիկ Աբրահամյանն ավելի լոյալ է տրամադրված մամուլում՝ իր վերաբերյալ հայտնվող տեղեկություններին, քան ժամանակին էր:

Բայց, ինչպես երևում է, ժամանակին Աբրահամյանը թղթախաղով հարստանում և զվարճանում էր, այժմ՝ թմբիրից և ընկճախտից է փորձում հին մեթոդներով ազատվել. էլի հավատարիմը թղթախաղն է մնացել:

NEWSPRESS.am