«Ժողովուրդ». Բանանի ներկրմամբ մեկ այլ ընկերություն է սկսել զբաղվել… «Քեթրին գրուպ»-ի հետ կապակցված

«Ժողովուրդ» օրաթերթը գրում է.

« ՀՀ ԱԺ պատգամավոր, ԴԱՀԿ նախկին պետ Միհրան Պողոսյանին պատկանող «Քեթրին գրուպ» ընկերությունն այս տարվա 9 ամիսներին ՀՀ պետական բյուջե է վճարել 798 մլն 204 հազար դրամի հարկեր և տուրքեր: Անցած տարի նույն ժամանակահատվածում «Քեթրին գրուպը» վճարել է 541 մլն 136 հազար դրամի հարկեր:

Հիշեցնենք, որ Հայաստանում բանանի ներկրման մենաշնորհը պատկանում է հենց «Քեթրին գրուպ» ընկերությանը: «Ժողովուրդ» օրաթերթը տեղեկացավ, որ բանանի ներկրմամբ սկսել է զբաղվել նաև «Մելատրոպիկ» ընկերությունը, որը փոխկապակցված է «Քեթրին գրուպ»-ի հետ: «Մելատրոպիկ»-ը հազար խոշոր հարկատուների ցանկում ընդհանրապես տեղ չի զբաղեցրել»:

Մանրամասները՝ թերթի այսօրվա համարում