Այսօր ԵՀՄՖ նախագահ Աշոտ Գրիգորյանի ծննդյան օրն է

Այսօր Եվրոպայի հայկական միությունների ֆորումի (ԵՀՄՖ) նախագահ, դոկտոր պարոն Աշոտ Գրիգորյանի ծննդյան օրն է:

NEWSPRESS.am–ը շնորհավորում է Աշոտ Գրիգորյանին տարեդարձի առթիվ.

Հարգելի′ պարոն Աշոտ Գրիգորյան,

Անցնող 2017 թվականը Ձեզ համար եղավ և՛ ձեռքբերումների, և՛ կորստի տարի: Դուք կորցրիք Ձեր կյանքում, թերևս ամենամեծ նշանակություն ունեցող և ամենամտերիմ մարդուն՝ Ձեր կնոջը՝ Հասմիկ Գաբրիելյանին, ով Ձեր զուգընկերն էր նաև գործնական ասպարեզում: Սակայն, այսօր, ավելի քան երբեք, Դուք հուսահատվելու և շփոթվելու իրավունք չունեք, քանի որ Դուք Ձեր նպատակակետին բավականին մոտ եք:

Ձեր կնոջ հիշատակը վառ պահելու և նրա փափագն իրականություն դարձնելու համար, հաղթահարելով վշտի կսկիծը՝ պետք է շարունակեք մնալ Ձեր առաքելության կրողը. այն է՝ նպաստել հայ ազգի բարօրությանն ու Հայաստանի տնտեսական զարգացմանը:

Թերևս, այս առումով, բավականին ներդրում ունեք. տարբեր խնդիրների շուրջ համագործակցություններ ձեռք բերելով երկրների հետ, որպես ազգի նվիրյալ՝ անգնահատելի աշխատանք եք կատարել Հայաստանի տնտեսական վիճակի բարելավման ուղղությամբ:

Թող Աստված ուղեկցի և աջակցի Ձեր ջանքերին:  Ձեր հետագա գործունեության ընթացքում ԵՀՄՖ ղեկավար դերը կշարունակի իր բարենպաստ ազդեցությունն ունենալ Հայաստանի քաղաքական և սոցիալ-տնտեսական խնդիրների վրա:

Ձեր կառույցի, տարբեր երկրների հետ կապերի և փոխանակումների շարունակական ակտիվացումը, ինչպես նաև արդյունավետ գործակցությունը միջազգային ասպարեզում մշտապես բխում են մեր ժողովրդի կենսական շահերից:

Հարգելի′ պարոն Գրիգորյան, ևս մեկ անգամ սրտանց շնորհավորում ենք Ձեզ ծննդյան օրվա կապակցությամբ և մաղթում քաջառողջություն, նորանոր ձեռքբերումներ ու հաջողություններ։