Գույնգզգույն թագավորություն՝ ՀՀԿ-ի օրհնությամբ

Քրեական օրենսգրքի նախագծում նոր փոփոխություններով՝ այն շուտով կհայտնվի խորհրդարանում, իսկ այն, ինչ ՀՀԿ-ի «քավորությամբ» հայտվում է խորհրդարանում, անցնում է: Մեկ վայրկյանում չգիտես՝ որտեղից հայտնվում են բոլոր ՀՀԿ-ականները՝ կենդանի կամ մեռած, և կողմ եմ քվեարկում ՀՀԿ-ի ցանկացած նախաձեռնության. ՀՀԿ-ն քվեարկությունների ժամանակ վերամարմնավորվում է:

Կարճ ասած` այս անգամ խոսքը մեր այդքան թանկագին միասեռականների մասին է: Այն, որ սիրում ենք այդ միասեռականներին, գաղտնիք էլ չէ. նրանք ամենուր են՝ փողոցներում, գովազդներում, ասուլիսներին, միտինգներին. իրենց գունագեղ հագուկապով ու գունագեղ կյանքով ոգեշնչում, ուժ են տալիս երիտասարդներին, որ ամեն ինչ գույնզգույն է լինելու, և երջանկությունը մոտ է:

Պարզվում է՝ բավարար չէ, որ մեր սիրելի քույրիկներին և եղբայրիկներին այդքան սիրում և հարգում ենք, տեղ ենք տալիս մեր տանիքի տակ, նաև պետք է նրանց վեր դասենք շարքային քաղաքացիներից: Ի դեպ, օրենքով պաշտպանված չեն ո′չ աշխատողների, ո′չ մայրիկների, ո′չ խոցելի խմբերի իրավունքները, եթե անգամ թղթի վրա գրված է, ապա իրականությունն այլ է, իսկ ահա գույնզգույների թագավորության գալստյան համար բոլոր օրենքները գրված և պաշտպանված են:

Պարզվում է նաև, որ այդքանը քիչ է, կան սրիկա մարդիկ, անգամ պաշտոնյաներ, կարճ ասած, մեկ խումբ հետամնաց ժողովուրդ, ովքեր դեմ են երիտասարդների համընդհանուր երջանկությանը: Այս խումբ մարդիկ և պաշտոնյաներն իսկական սրիկաներ են, նրանք աշխատանք չեն տալիս դպրոցներում մեր կյանքն այդքան գույնզգույն ու գունագեղ դարձնող երիտասարդներին, չեն թողնում, որ նրանք ամեն տեղ թողնեն իրենց մշտափոփոխ գույները, չեն թողնում երեխաներին քարոզեն երջանկություն, հավասարություն, գունագեղ ընկերություն՝ ի մեջ միմյանս: Ահա այսպիսի սրիկա զանգված կա Հայաստանում:

Իսկ ՀՀԿ-ն որոշել է այս երջանիկ երիտասարդների հատվածի թիկունքին կանգնել՝ պաշտպանել նրանց ամենայն սրիկաներից և ավազակներից, հետամնաց մարդկանցից: Օրենքի ընդունումից հետո, դպրոցներում նրանց առջև կբացվեն դռները, և մեր երեխաները ևս կառնչվեն ամենայն գույնզգույնի և երջանկության:

Ինչպես անկյուններում փսփսում են չար լեզուները, իշխանական օղակներում գույնզգույն ծիածանը երջանկության կամարներ է գծել և շատ-շատ վաղուց, այս ծիածանակիրներն օգնում են իրենց գույնզգույն եղբայրներին և քույրերին: Պարզվում է, որ դա ևս քիչ է, պետք է ավելին, պետք է պաշտպանել նրանց ամենայն իրավունքները՝ քնելու իրավունքից մինչև արթնանալու իրավունքը:

Կարծ ասած՝ առաջիկայում ՀՀԿ-ի ողջ զորաբանակը կհայտնվի Ազգային ժողովում՝ միաձայն օրհնելու Հայաստանի գույնզգույն թագավորության օրինական հիմնադրումը՝ աջակցելով և′ իշխանական օղակների եղբայրիկներին, և′ հանրության գույնզգույն հատվածին: Ուստի, օ՜ն, անդր առաջ դեպի ԵՄ:

NEWSPRESS.am