Լևոնի Իգիթյանի՝ մեկ գիշերվա գինը

Լևոն Իգիթյանը կոտրում է մտավորականի կերպարի կարծրատիպերը, նրա մտավոր ձեռքբերումներից էր կանանց հասցեին հայհոյանքներ ստեղծագործելը: Ոմանք ասում են, որ նա ծեր է, դրանից է, և նրա մոտ ծերունական մառազմ է կանանց հանդեպ, ոմանք ասում են, որ կանացի գուրգուրանքների կարոտից է, ոմանք ասում են, որ այսպիսով նա հրաժեշտ է տալիս կանանց. Տեսակետները շատ են: Ինչևէ:

Ինչպես երևում է, նա բոլոր ստեղծագործական մակարդակներով անցել է, օր ծերության հասել է հայհոյանքների, մի «վայր», որտեղ զբաղված են լինում արդեն ոչ մի բանի պիտանի մարդիկ:

Բացի այն, որ նա որևէ կերպ չի տեղավորվում մտավորական ասված հանրույթի մեջ. նախ նրա կերպարը, նաև՝ բիզնեսմենի կարգավիճակը: Նա ժառանգել է եղբոր՝ Հովհաննես Իգիթյանի անվան գեղագիտության ազգային կենտրոնի տնօրինությունը: Եղբոր օրոք այս կենտրոնում մշտապես մանկական ցուցահանդեսներ էին ու երեխաների այցելության մշտավայր. այսօր այն դարձել է բիզնես-կենտրոն:

Իգիթյանը լինելով «հույժ» մտավորական՝ գեղագիտական կենտրոնը հանձնել է վարձակալության, որտեղ վաճառվում է հազար ու մի մանրուք:

Եվ ինչպես զտարյուն բիզնեսմեն՝ նա արդարացնում է իր կերպարը, այն է՝ ոչ թե մտավորական, այլ պարզապես շարքային բիզնեսմեն, որպիսիք շատ են Հայաստանում: Նրանք, որոնց թեթև ձեռքով քանդվեցին Երևանի պատմաճարտարապետական հուշարձան-շենքերը, և տեղում կառուցվեցին բիզնես-բնակարաններ՝ տարածքում ապրող մարդկանց թողնելով անտուն:

Ի դեպ, Երևանի կենտրոնի բնակիչներին անտուն թողնելու մեջ իր բաժինն ունի նաև Լևոն Իգիթյանը, նա աշխատում է «Նարեկ Սարգսյան» ճարտարապետական արվեստանոցում, իսկ, ինչպես հայտնի է, հենց Նարեկ Սարգսյանի «օրհնությամբ» քանդվեցին Արամի, Բյուզանդի փողոցների հուշարձան-շենքերը:

Իսկ թե ինչո՞ւ է Լևոն Իգիթյանը ՀՀԿ-ի կամակատարներից, պարզ է դառնում նրա կենսագրությունը կարդալով: Նա 2009թ. Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ։ 2009 թվականից՝ «Գեղագիտության ազգային կենտրոն» ՊՓԲԸ գլխավոր տնօրեն և Ժամանակակից արվեստի թանգարանի կառավարման խորհրդի նախագահ: 2012թ. արժանացել է Հայաստանի Հանրապետության մշակույթի վաստակավոր գործիչ կոչման: 2013 թվականի մայիսի 5-ին Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ։ 2013 թվականի հոկտեմբերի 9-ին արժանացել է Երևանի պատվավոր քաղաքացի կոչմանը։

ՀՀԿ-ն չի կարողացել մի խելքը գլխին մտավորական ձեռք գցել, վերցրել է այն, ինչը առաջինն է ձեռքն ընկել՝ Լևոն Իգիթյանին, թեև հասկանում են՝ նրանից ի՞նչ մտավորական:  Ավելին, սակայն, ՀՀԿ-ն անել չի կարողացել և նրան էլ բաշխել է բոլոր կոչումները՝ այսպիսով շնորհակալ լինելով ՀՀԿ-ին առանց սեթևեթանքների տրվելու համար:

NEWSPRESS.am