Բակային ֆուտբոլից մինչև «Մանչեսթեր Յունայթեդ»․ Ի՞նչ սովորեցրեց Մխիթարյանը հայ երեխաներին
Համացանցում, մամուլում հաճախ են տարածվում լուսանկարներ, որտեղ աշխարհահռչակ ֆուտբոլիստները լուսանկարվում են իրենց փոքրիկ երկրպագուների՝ երեխաների հետ։ Այստեղ պետք է հիշել աֆղանստանցի Մուրթազա Ահմադին, ով ֆուտբոլ էր խաղում պոլիէթիլենային տոպրակով, որի վրա գրված էր Մեսսի: Տղայի ու Լեոնել Մեսսիի հանդիպման մասին գիտեն բոլոր ֆուտբոլասերները։
Պատահական չէ, որ բոլոր տղաների մանկության ամենաանմոռանալի խաղը բակային ֆուտբոլն է, ու հենց բակային ֆուտբոլից է, որ հասարակ երեխաները դարձան համաշխարհային մեծության ֆուտբոլային աստղեր։ Բակային ֆուտբոլից մինչև ֆուտբոլային աստղաբույլ է քայլել նաև Հենրիխ Մխիթարյանը, ով ներկայիս Հայաստանի համար ամենակարևոր ֆիգուրներից մեկն է։
Պատահական չէ, որ 2016 ՀԱԿ համագումարում ելույթի ժամանակ ՀՀ առաջին նախագահ Լևոն Տեր-Պետրոսյանն ընդգծեց, որ այսօր մեր ազգի միակ հպարտությունն ու ուրախությունը Հենրիխ Մխիթարյանն է։ Մխիթարյանի շնորհիվ աշխարհում շատերը սկսեցին իմանալ Հայաստան պետության մասին, սկսեցին խոսել հայերեն (Պոլ Պոգբա), երգեցին երգ՝ հայ կիսապաշտպանի մասին ու ճանաչեցին հայոց եռագույնը։ Մխիթարյանը բացեց ճանապարհ ու լույս, նա հավատ տվեց բակում գնդակ գլորող այն երեխաներին, ովքեր չէին պատկերացնում, որ հնարավոր է հայ ֆուտբոլիստը խաղա «Շախտյորում», Դորտմունդի «Բորուսիայում», «Մանչեսթեր Յունայթեդում»․․․
Մխիթարյանը ցույց տվեց, որ հայ մանուկները Ռոնալդուի ու Մեսսիի մարզաշապիկների փոխարեն կարող են կրել նաև հայազգի ֆուտբոլիստի մարզաշապիկ։ Նա կարողացավ մրցակցել, պայքարել ու ճակատամարտ տալ աշխարհի ամենահամառ ու ամենաուժեղ մարզիչներից մեկի՝ Ժոզե Մոուրինյոի հետ ու հաղթել։ Պորտուգալացու հետ ճակատամարտերում պարտվել են այնպիսի աստղեր, ինչպիսիք են Կական, Դավիդ Լուիզը, Ռաուլը, Իկեր Կասիլիասը և այլք, իսկ Մխիթարյանը կարողացավ հաղթել։
Մխիթարյանը կարողացավ մի ամբողջ ազգի տալ ֆուտբոլի նկատմամբ մեծ սեր։ Հիմա մեր մանուկները լույսն աչքերում խաղում են ֆուտբոլ ու հավատում, որ ուժի, պայքարի ու աշխատասիրության շնորհիվ կարող են բակային ֆուտբոլից անցնել պրոֆեսիոնալի, պրոֆեսիոնալից՝ տիտղոսների, տիտղոսներից՝ գրանդ ակումբների, գրանդ ակումբներից՝ հաղթական ու մեծ կարիերայի։ Մեր մանուկները հավատում են, մեր մանուկները կարող են։
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
Ո՞վ է ԶՊՄԿ-ում մաhաgած աշխատակիցը
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
«Կգնանք թեկուզ վաղը»․ Պուտինի ազդանշանը Փաշինյանին․ ի՞նչ կկորցնի Հայաստանը
Խարդախության նոր ալիք է, ուշադիր եղեք... մի պատասխանեք զանգերին
Մահացել է բալետի արտիստ Սերյոժա Պետրոսյանը
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
