«Գարդասիլ»-ով թող փորձարկեն «կռոլիկներին». ինչու է պետք հրաժարվել պատվաստումից

«Դրսի պատվերի» շրջանակում, Առողջապահության նախարարությունն իրականացնում է ծրագիր, ըստ որի, արդեն դեկտեմբերից, դպրոցներում կիրականացնեն գարդասիլի պատվաստումներ:

Գարդասիլը նյութ է, որն իբր պապիլոմա վիրուսի դեմ է: Իսկ պապիլոման արգանդի վզիկի, քաղցկեղի և որոշ այլ հիվանդությունների պատճառ կարող է դառնալ:

Առաջին հայացքից անմեղ թվացող այս պատվաստումը կարծես մեր երկրի ղեկավարության ու Առողջապահության նախարարության բարի կամքից է բխում: Սակայն, երկրներում, որտեղ կատարել են գարդասիլով պատվաստումներ, այլ արդյունքներ են ցույց տվել. մասնավորապես՝ գրանցվել են անպտղության, քաղցկեղի աղբյուրի և անբուժելի այլ հիվանդությունների դեպքեր, որոնցով սկսել են տառապել գարդասիլով պատվաստված առողջ երեխաները:

Առողջապահության նախարարությունում պնդում են, թե այդ ուսումնասիրություններն ու արդյունքները գիտահետազոտական մեթոդներով չեն իրականացվել և որ իրենք իրենց ազգի թշնամին չեն: Ավելին՝ առողջապահության նախարարությունում ավելի համարձակները «հերոսաբար» հայտարարել են, թե իբր իրենք կլինեն այն ծիծեռնակները, ովքեր առաջինը կպատվաստեն իրենց 13-ամյա աղջիկներին գարդասիլով:

Սա, իհարկե, հեքիաթի ժանրից է. այս ամենը համազոր է այն հայտարարությանը, որ մեր օլիգարխները հայտարարեն, թե պատերազմի դեպքում, առաջինն իրենց որդիներին են սահման ուղարկելու:

Իհարկե, Առողջապահության նախարարությունը կարող է տեսախցիկներ տեղադրել տարբեր ռակուրսներով և տեսանկարահանել, թե ինչպես են սրսկվում իրենց աղջիկները: Սակայն չի բացառվում, որ այդ ամպուլաների մեջ լցված լինի, ասենք, որևէ վիտամին, որն անվնաս կարող է լինել իրենց երեխաների համար:

Առողջապահությունից հայտարարում են նաև.

«Հետպատվաստումային երևույթներն աննշան են՝ ներարկման տեղում ցավ, կարմրություն, այտուց, քոր, գլխացավ, ջերմության բարձրացում, սրտխառնոց, ընդհանուր թուլություն, ցավ՝ որովայնի շրջանում, մկանացավ, ալերգիկ ցան: Արձանագրվել են նաև ուշաթափության դեպքեր, որն անհատական է և կրում է հոգեհուզական (փսիխոսոմատիկ) բնույթ՝ պայմանավորված ներարկման վախով»։

Եվ այս ամենը դեռ «ամենաթույլ» ախտանշաններն են, իսկ իրականում, ուսումնասիրությունները ցույց են տվել, որ որպես կողմնակի ազդեցություն, գարդասիլով պատվաստելուց հետո գրանցվել են նաև.

անպտղության, վերարտադրողական գործառույթի խանգարումների, վիժումների, մկանային ցնցումների, նյարդային համակարգի խանգարումների, արյան ճնշման փոփոխությունների, հոդացավերի և մարդու առողջության կրած վնասի բազմաթիվ այլ դեպքեր:

Որոշ տվյալների համաձայն՝ 2016 թվականին նշված համալսարանի և «Գարդասիլ» պատվաստանյութի արտադրող «Merck» ընկերության միջև կնքվել է 5 տարվա համագործակցության պայմանագիր, համաձայն որի, «Karolinska» համալսարանը յուրաքանչյուր տարի ստանալու է 1 միլիոն դոլարի ֆինանսական օժանդակություն:

ԱՄՆ-ի կենսատեխնոլոգիական տեղեկատվության ազգային կենտրոնի տվյալների համաձայն՝ պրոֆեսոր Ջոհակիմ Դիլները դրամաշնորհներ է ստանում «Գարդասիլ» պատվաստանյութի արտադրող «Merck» ընկերությունից: Շվեդ պրոֆեսոր Ջոհակիմ Դիլներն անձնական ֆինանսական շահագրգռվածություն ունի «Գարդասիլ» պատվաստանյութը գովազդելու համար:

Այլ կերպ ասած՝ այս գործում միլիարդավոր դոլարներ են շրջանառվում, որից անմասն չի մնում նաև Հայաստանի իշխանությունը: Ու այս ամենից հետո, փուչիկ են թվում Առողջապահության նախարարության աշխատակիցների այն հայտարարությունները, թե իրենք առաջինն են իրենց երեխաներին պատվաստելու:

Մյուս կողմից էլ, եթե իսկապես նրանք պատրաստ են փորձարկվող «կռոլիկների» նման օգտագործել իրենց աղջիկներին՝ աշխատանքից չազատվելու համար՝ դա իրենց իրավունքն է:

Իսկ ես՝ որպես իմ աղջկա ապագայի մասին մտածող մայր՝ հրաժարվում եմ օտարամետ նյութի ներարկումից: Ես ունեմ դրա իրավունքը, ինչպես և մեզնից յուրաքանչյուրը: Քանի որ Հայաստանում «Գարդասիլ»-ով պատվաստումը պարտադիր չէ և բոլոր նրանք, ովքեր չեն ցանկանում, կարող են պարզապես հրաժարվել դրանից:

Արմինե Մկրտումյան