Թերեզա Մեյը սուր քննադատության է ենթարկել Վլադիմիր Պուտինին

Ինչպես հայտնում է BBC-ն, Մեծ Բրիտանիայի վարչապետ Թերեզա Մեյն իր ելույթի մեջ խիստ քննադատության է արժանացրել Ռուսաստանի Դաշնության նախագահ Վլադիմիր Պուտինին, ասելով, որ Մոսկվան խառնվում է տարբեր երկրներում իրականացվող ընտրություններին և զբաղվում է կիբերհետախուզությամբ:

Ելույթը տեղի է ունեցել Լոնդոնի քաղաքապետի կողմից կազմակերպված երեկույթի ժամանակ: Մեյն ասել է, որ ռուսական իշխանությունները սուտ լուրեր են տարածում, նպատակ ունենալով «խսռնակչություն մտցնել Արևմուտքում»։ Նա հայտարարել է, որ չնայած պաշտոնական Լոնդոնը չի ցանկանում հավերժական վեճի մեջ լինել Ռուսաստանի հետ, սակայն իրենք կանեն ամեն ինչ իրենց երկրի շահերը պաշտպանելու համար: Մեյի խոսքերը հակադարձում են օրերս ԱՄՆ-ի նախագահ Դոնալդ Թրամփի այն հայտարարությանը, թե ինքը հավատում է, որ Պուտինն ու ռուսական ղեկավարությունը ոչ մի միջամտություն չեն ունեցել ԱՄՆ-ում տեղի ունեցած ընտրություններին:

Մեյը հայտարարել է, որ Պուտինը պետք է փոխի իր քաղաքականությունը ի հակադրություն նախկինի, երբ Ռուսաստանը կիբեռհարձակման էր ենթարկում եվրոպական կառավարություններին և «խառնում Ուկրաինային»: Ռուսաստանն Արևմուտքի համար կարող է անգնահատելի գործընկեր լինել, միայն եթե փոխի իր խաղի կանոնները, հայտնել է Մեյը: Հիշեցնենք, որ մոտ օրերս սպասվում է Մեծ Բրիտանիայի արտգործնախարար Բորիս Ջոնսոնի պաշտոնական այցը Ռուսաստան, որը նրա պաշտոնն ստանձնելուց ի վեր առաջին այցն է: