Հայաստանում ալկոհոլային խմիչքների արտադրությունը ծաղկում է

ՀՀ Ազգային վիճակագրության ծառայության հրապարակած տվյալների համաձայն` 2017 թվականի հունվար-սեպտեմբերին Հայաստանում արտադրվել է 5 872.6 հազար լիտր գինի, ինչը նախորդ տարվա նույն ժամանակահատվածի համեմատ աճել է 36.7 տոկոսով: Նշենք, որ 2016-ի հունվար-սեպտեմբերին Հանրապետությունում արտադրվել է 4 295.9 հազար լիտր գինի:

Ինչ վերաբերում է շամպայն-գինիների արտադրությանը, ապա այստեղ ծավալներն ավելացել են 11.4%-ով` կազմելով 357.5 հազար լիտր:

Հունվար-սեպտեմբերին ավելացել են նաև գարեջրի արտադրության ծավալները: Հանրապետությունում արտադրվել է 17 766.8 հազար լիտր գարեջուր` 2016թ. համեմատ աճելով 10.9 %-ով:

Հունվար-սեպտեմբերին արտադրվել է 4 082.2 հազար լիտր օղի և օղու լիկյոր, ինչը 2016-ի նույն ժամանակահատվածի համեմատ նվազել է 28.2%-ով:

Նշված ժամանակահատվածում 19 տոկոսով նվազել են նաև վիսկիի արտադրության ծավալները: Եթե 2016-ի հունվար-սեպտեմբերին արտադրվել է 1 083.0 հազար լիտր վիսկի, ապա 2017-ի նույն ժամանակահատվածում՝ 876.7 հազար:

2017 թվականի հունվար-սեպտեմբեր ամիսներին Հայաստանում արտադրվել է 21 134.0 հազար լիտր կոնյակ:

2016թ-ի համեմատ այս տարվա երրորդ եռամսյակում կոնյակի արտադրության ծավալներն ավելացել են 56.5%-ով, իսկ նախորդ տարի նույն ժամանակահատվածում Հանրապետությունում արտադրվել է 13 503.3 հազ, լիտր կոնյակ: