Միջադեպ՝ ԵՊՀ-ում. անվտանգության աշխատակիցները փորձեցին կանխել դասադուլը (ֆոտո)
Երևանում մի խումբ ուսանողներ նախաձեռնել են ակցիա՝ ընդդեմ «Զինվորական ծառայության և զինծառայողի կարգավիճակի մասին» օրենքի նախագծով առաջարկվող փոփոխությունների:
Նրանք դասադուլի միջոցով փորձում են Ազգային ժողովի ուշադրությունը հրավիրել նախագծով ենթադրվող փոփոխություններին, որոնք ուղղված են ուսման տարկետման վերացմանը:
Նախաձեռնող խումբն ակցիան սկսել է ԵՊՀ կենտրոնական մասնաշենքի մոտից: Ուսանողները, «Տարկետում լինելուԱ» գրառմամբ պաստառով, իրենց միանալու կոչով շրջում են Երևանի կենտրոնում գտնվող բուհերով, որտեղից նրանց են միացել հարյուրավոր ուսանողներ:
Ուսանողներն իրենց որոշման մեջ վճռական են տրամադրված մինչև իսկ այնքան, որ նրանց առաջխաղացմանը չկարողացան խանգարել նույնիսկ փակ դարպասները: ԵՊՀ պատմության ֆակուլտետի շենքի մոտ միջադեպ տեղի ունեցավ ուսանողների և անվտանգության աշխատակիցների միջև: Վերջիններս, փակելով դապասները, փորձել էին խոչընդոտել ուսանողների մուտքը: Համառ ուսանողներին, սակայն, հաջողվեց «մի-ա-ցում, մի-ա-ցում» վանկարկելով մտնել ԵՊՀ տարածք:
NEWSPRESS.am-ի թղթակցի հետ զրույցում էլ ուսանողներից մեկը նկատեց, որ կոռուպցիայի մասով՝ ԿԳ նախարարի տեսակետն այս հարցի շուրջ անհիմն է:
«Նախարարն ասում է՝ կոռուպցիոն ռիսկեր կան: Եթե կա կոռուպցիոն խնդիր, ապա դա տարկետման իրավունքի վերացմամբ չի լուծվելու, մինչ այժմ ոչ ոք ոչ մի հիմնավոր պատճառ չի նշել, թե ինչու են շահագրգիռ՝ տարկետման համար»,- ասաց ուսանողը:
Ուսանողները մեզ հետ զրույցում նշեցին նաև, որ համոզված են, որ բանակը համալրելու խնդիր կա, և տարկետումը հենց դրա պատճառով է, սակայն միևնույն ժամանակ վստահ են, որ իրենց պահանջները ևս հիմնավոր են, և կառավարությունը պետք է լսի իրենց, ինչը մինչ օրս չի եղել:
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
Ո՞վ է ԶՊՄԿ-ում մաhաgած աշխատակիցը
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
«Կգնանք թեկուզ վաղը»․ Պուտինի ազդանշանը Փաշինյանին․ ի՞նչ կկորցնի Հայաստանը
Խարդախության նոր ալիք է, ուշադիր եղեք... մի պատասխանեք զանգերին
Մահացել է բալետի արտիստ Սերյոժա Պետրոսյանը
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
