Երբ համընկնում են իշխանության և ընդդիմության շահերը…
Երբ 1990-ական թվականներից սկսվեց փոքր ՀԷԿ-երի կառուցման գործընթացը, ով հնարավոր է ձեռք բերեց առավելապես լեռնային գետերի լավագույն հատվածներում ՀԷԿ-երի համար հատվածներ: ՀԷԿ-երի գործունեության ոլորտը մի հարթակ է, որտեղ թե′ փոփոխվող ընդդիմության, թե′ անփոփոխ իշխանության շահերը համընկնում են. իշխանությունը և ընդդիմությունը համագործակցում են ՀԷԿ-երի ոլորտում:
Ի դեպ, Բնապահպանության նախարարությունը մտադիր է առաջիկայում արգելել Հայաստանի 22 գետի վրա փոքր հիդրոէլեկտրակայանների կառուցումը: Պատճառը ՀԷԿ-երի կողմից գետերին հասցված էկոլոգիական վնասներն են:
Նշենք, որ այս գաղափարը միանշանակ չի ընդունվել, և Բնապահպանության նախարար Արծվիկ Մինասյանին կոչ են արել՝ նախ քանդել իր սեփական ՀԷԿ-ը, որը կառուցված է Սիսիանի Սարավան գյուղով անցնող Դարբ գետի վրա, որին ի պատասխան նախարարը նշել է, որ ինքը ՀԷԿ չունի:
ՀԷԿ-եր ունեն Սերժ Սարգսյանի եղբայրներ Լևոն և Սաշիկ Սարգսյանները, ՀՀ նախագահի խորհրդական Արամ Ղարիբյանը, Վայոց ձորի մարզում 6 փոքր ՀէԿ ունի Վայոց ձորի թեմի առաջնորդ Տեր Աբրահամ եպիսկոպոս Մկրտչյանը, 3 ՀԷԿ՝ Քննչական կոմիտեի նախագահ Աղվան Հովսփյանը, երկու ՀԷԿ՝ Վայոց ձորի նախկին մարզպետ, ԲՀԿ-ական Սերգեյ Բագրատյանը: ՀԷԿ-եր ունեն նաև ԲՀԿ խմբակցության քարտուղար Վահե Էնֆիաջյանը, Սամվել Կարապետյանը, պատգամավոր Մուշեղ Պետոյանը, Վանաձորի նախկին քաղաքապետ Սամվել Դարբինյանը և այլն, և այլն:
Կան բարձրաստիճան քաղաքական գործիչների անուններ, ովքեր ևս ՀԷԿ-եր ունեն, սակայն նրանց անունը խնամքով է թաքցվում, սակայն հենց Դաշնակցությունից ՀԷԿ-երի սեփականատերերի անունները հանրությանը հայտնի են՝ ՀՅԴ բյուրոյի ներկայացուցիչ Հրանտ Մարգարյան, ԿԳ նախարար Լևոն Մկրտչյան, Տարածքային կառավարման և զարգացման նախարար Դավիթ Լոքյան:
Պարզվում է՝ քաղաքական գործիչների տարաձայնությունները ՀԷԿ-երի ոլորտում համահարթվում են. այստեղ և′ շահույթ կա, և′ հավասարություն: Իսկ թե ինչպես է Արծվիկ Մինասյանն իրագործելու 22 գետերի վրա ՀԷԿ-երի կառուցման արգելքը՝ ապագան ցույց կտա:
Հիշեցնենք, որ հենց ՀԷԿ-երն են, որ նպաստել են ՀՀ-ում էկոլոգիական աղետին, ջրային ռեսուրսների կրճատմանը, կանաչ տարածքների նվազմանը և դրանում հավասարապես և′ իշխանության, և′ ընդդիմության մեղքերը հավասար են:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
Նկատեցի՞ք, COP17-ի գագաթնաժողովին ինչպես տեղ ու դադար չկա եվրոպացի առաջնորդների ներկայությունից. Ինչ...
«Քրքրեք՝ գտեք». Ինչ հրահանգ են ստացել Վեհափառին ուրացած հոգեւորականները. «Իրավունք»
