Լևոն Իգիթյանը, նրա տատիկը և Հայր Ստալինը՝ в студию

Երևանի ավագանու ՀՀԿ խմբակցության անդամ Լևոն Իգիթյանը հայտարարել է, որ ինքը գնացել է Երուսաղեմ և երդվել, որ լրագրողների հետ որևէ առնչություն չի ունենալու: Հարց է առաջանում՝ ինչո՞ւ:

Պարզվում է՝ լրագրողները զբաղված են եղել Լևոն Իգիթյանի հավերը քշելով՝ քշա՜, և Լևոն Իգիթյանը գնացել է Երուսաղեմ սրբազան աղոթքի: Սա խնդրի վերին շերտն է:

Հետո, Երուսաղեմում պարզվել է, որ Լևոն Իգիթյանն աղոթում է լրագրողների լսողության, մասնավորապես՝ ականջների համար. ի դեպ, աղոթքները լսողներ են եղել:

Ի՞նչ է պարզվել, որ թեև բավականին պատկառելի տարիքին՝ Լևոն Իգիթյանը սովորություն ունի շփվելու հրեշտակների հետ. լրագրողները թաքուն ականջ են դրել նրանց ինտիմ խոսակցությանը, և այստեղ իրոք բարկացել է Իգիթյանն ու սկսել ինքզինքը խոսել: Եվ քանի որ Լևոն Իգիթյանը չի առանձնանում պերճախոսությամբ, ապա նրա մտամոլորությունը հրապարակվել է, երբ պետք է պահպանվեր կոռեկտությունը: Ի վերջո բարոյական հատկանիշներից զուրկ ասելով՝ նա ընդամենը խոսել է ինքն իր հետ, ուրիշ ոչինչ, իսկ ա′յ այս լրագրողները:

Իգիթյանը ո՜նց է ափսոսում, որ անցել են լրագրողների ականջները քաշելու, գլխամաշկը հանելու, գիլյոտինի ենթարկելու, քառատելու, գանահարելու, ողջ-ողջ պատերի մեջ շարելու, կացնահարելու, տիկ հանելու ժամանակները: Ահա այս առիթով Իգիթյանը մի քիչ երկար է աղոթել Երուսաղեմում:

Ինչ վերաբերում է Լևոն Իգիթյանին նկատողություն անող տատիկին, ապա եթե Իգիթյանը 80 տարեկան է, ապա նրա տատիկին Բարձրյալը պահի-պահպանի մի այդքան էլ: Պարզվում է՝ Աստվածաշնչյան տարիքի տատիկն է նկատողություն անում Իգիթյանին, այնքան նա կորովի, առնական, հաղթանդամ, իմաստուն, թիկնեղ, վսեմափայլ, անձեռակերտ անձ մըն է:

Չար լեզուներն ասում են, որ Իգիթյանը վազեվազ է գնում Երուսաղեմ գալիս՝ ջրի ճամփա, բայց միևնույնն է՝ լրագրողները չեն անհետանում երկրիս երեսից:

Եվ ահա այս պայծառափայլ այրը, բոլոր վսեմաշուք իմաստուններից իմաստասերը, անհասանելի պայծառակերպը, ճաճանչափայլ ցոլքը պարզապես ինքզինքը խոսելուց է եղել իր իսկ անձի հետ, ի դեպ, թեթև վիրավորել է իր սրբազան անձը՝ հանց բարոյական օրենքներից զուրկ, և լրագրողները նրա մտամոլոր մենախոսությունը հանրայնացրել են:

Այսքանից հետո ինչպես Լևոն Իգիթյանն օրենսդրական փաթեթ չառաջարկի, թե ինչպես մեկ առ մեկ ոչնչացնել լրագրողներին, ինչպես վարվում էր Հայր Ստալինը նրա բարեբեր վաղ մանկության տարիներին:

NEWSPRESS.am