Պետք է ծառայեն բոլորը. Վիգեն Սարգսյանն անձամբ այդ պարտքը կատարել է որպես սպա
«Գիտակ մարդը, կարող մարդը Զինված ուժերում միշտ պետք է և իր տեղը գտնելու է»:
Այսօր Ազգային ժողովում ասաց Պաշտպանության նախարար Վիգեն Սարգսյանը: Նրա խոսքով՝ մեր քաղաքականությունը ելնում է նրանից, որ պետք է ծառայեն բոլորը: Նախարարը նշեց նաև, որ նոր քաղաքականությունները որևէ պարտադրանք իրենց մեջ չեն պարունակում, պարզապես լրացուցիչ հնարավորություն են տալիս՝ ընտրելու, թե ինչ ձևով է քաղաքացին ուզում իր պարտքը կատարել հայրենիքի նկատմամբ:
«Ով ի վիճակի է ծառայել որպես սպա, բարձրագույն կրթություն ունեցող, գիտական ներուժով մարդ, կարող է ծառայել որպես սպա: Իսկ ով չի ցանկանում, ուզում է ավելի արագ ու կարճ, երկու տարվա ընթացքում շարքային կազմում ծառայություն անցնել, կարող է ընտրել այդ տարբերակը»,- ասաց նախարարը:
Վիգեն Սարգսյանը նկատեց, որ ինքն անձամբ այդ պարտքը կատարել է որպես սպա: Այդ պահին ունեցել է երեք բարձրագույն կրթություն: Ու թեև հնարավորություն է ունեցել այդ կրթությամբ աշխատելու միջազգային կազմակերպություններում, սակայն ընտրել է Զինված ուժերում որպես սպա ծառայելու տարբերակը:
«Շատ հպարտ եմ այդ տարիներով, որովհետև համարում եմ, որ այդ երեք տարին ինձ մեծ բան են տվել: Գիտությունից ինձ առանձնապես հետ չեմ պահել: Թեև զբաղվածությունս երբեք թույլ չի տվել թեկնածուական թեզ պաշտպանել, ես չեմ համարում, որ այսօր պաշտպանվող թեզերի հեղինակներին ինչ-որ բանով զիջում եմ քաղաքական գիտությունների կամ միջազգային հարաբերությունների հարցերում»,- ասաց նա:
Ըստ նախարարի՝ եթե կան մարդիկ, ովքեր այսօր համալսարանում են սովորում ու կարծում են, որ իրենց գիտական հեռանկարները նոր օրենսդրությամբ քայքայվում են, նրանք սխալվում են:
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
Ո՞վ է ԶՊՄԿ-ում մաhաgած աշխատակիցը
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
«Կգնանք թեկուզ վաղը»․ Պուտինի ազդանշանը Փաշինյանին․ ի՞նչ կկորցնի Հայաստանը
Խարդախության նոր ալիք է, ուշադիր եղեք... մի պատասխանեք զանգերին
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
Մահացել է բալետի արտիստ Սերյոժա Պետրոսյանը
