«Ժամանակ». «Նոր Զովք»-ում, առանց անվտանգության սերտիֆիկատի, թուրքական բլղուր է վաճառվում

«Ժամանակ» թերթը գրում է.

«Հայկական շուկայում ան­հայտ ճանա­պարհով ադրբե­ջանական խնձորի հայտնվելու սկանդալը դեռ չմարած, հիմա էլ «Նոր Զովք» սուպերմարկետների ցանցում վաճառվում է թուրքական բլղուր: Dosa անվանո47ւմով բլղուրի տուփի վրա հստակ նշված է, որ այս սննդատեսակն արտադրված և փաթեթավորված է Թուրքիայում:

Ընդ որում, մեր տեղեկություններով, թուրքական բլղուրը շուկայում հայտնվել է առանց անվտանգության սերտիֆիկատի, խանութներում ևս չկա անվտանգության սերտիֆիկատի պատճենը, որը տվյալ դեպքում պարտադիր պայման է, քանի որ Թուրքիան համարվում է ռիսկային երկիր:

Եթե անգամ թուրքական բլղուրի հետ եկել է անվտանգության սերտիֆիկատ, ապա այստեղ պետք է լաբորատոր հետազոտություն իրականացվեր, որը չի իրականացվել: Ի դեպ, թուրքական բլղուրն ավելի թանկ արժե, քան տեղականը: Dosa-ի 900 գրամանոց տուփը վաճառվում է 950 դրամով»:

Մանրամասները՝ թերթի այսօրվա համարում