Բաց նամակ՝ վարչապետ Կարեն Կարապետյանին

Մեծարգո պարոն վարչապետ,

բավականին մեծ ակնկալիքներով սպասում էի 2018 թ-ի բյուջեի նախագծի ներկայացմանը: Ցավոք պետք է արձանագրել, որ այս անգամ ևս ոչ մի հայանպաստ գործողություն չնկատվեց: Մասնավորապես Ձեր ղեկավարած կառավարությունը հստակ ապացուցեց, որ ի զորու չէ երկրում սոցիալական խնդիրներ լուծել: Ցավալի է, բայց փաստ, նախ և առաջ նախատեսված չէ թոշակների, աշխատավարձերի բարձրացում և այն էլ այն պարագայում, երբ մենք ականատես ենք լինում գնաճի ահասարսուռ երևույթին, բայց իմ այս նամակիս իմաստը ամենևին էլ ներկայացրածս խնդիրները չեն, այն ավելի խորքային է և թիրախավորված մարդկանց է վերաբերում, մասնավորապես՝ ՀՀ -ում հաշմանդամության խումբ ունեցող մարդկանց:

Հարգելի պարոն Վարչապետ, ասացեք խնդրեմ՝ այն մարդը, ով պետության կողմից ճանաչվել է անգործունակ կամ մասամբ գործունակ և ստացել հաշմանդամության խումբ և նրա համար նախատեսված հիվանդության թոշակը կազմում է 17-25000 դրամ, ապա ասացեք խնդրեմ՝ այդ մարդիկ ինչպե՞ս ապրեն, ախր այդ գումարն անգամ մեկ-երկու օրվա դեղորայքի համար դժվար թե բավարար լինի: Դուք այդպես էլ Ձեր առաջարկած ծրագրում որևէ հուսադրող բան չասեցիք այդ մասով և ստացվում է, որ այն մարդիկ, ովքեր ամենից շատ ունեն օգնության կարիք, հայտնվում են էլ ավելի անօգնական վիճակում:

Հարգարժան պարոն Կարապետյան, խնդորւմ եմ արձագանքել և հնարավորության դեպքում վերանայել այս խնդիրը, առաջարկում են նաև հանրային քննարկումներ և որ ամենակարևորն է այդ քննարկումներին մասնակիցը դարձնել հենց այդ խմբի մարդկանց:

Շնորհակալություն

ՀՀ քաղաքացի Գ.Ղուկասյան..