«Oki-doki». Երբ ամեն ինչ լավ է (լուսանկարներ)

Նիդեռլանդցի երեխան «ինչպե՞ս ես» հարցին ամենայն հավանականությամբ կպատասխանի «oki-doki»` ընտիր, շատ լավ: Դրական էմոցիաներ արտահայտող այս բառը, պտտվելով անգլախոս երկրներում, հասել է Հայաստան և անվանում դարձել փոքրիկ մանկական աշխարհի համար, որտեղ իրոք միշտ ամեն ինչ լավ է:
Սեպտեմբերի 30-ին Երևանի Մալաթիա-Սեբաստիա համայնքում բացվեց արդեն երկրորդ «Օկի-Դոկի» մանկապարտեզը: Առաջինը գործում է 2007 թ.-ից, և արդեն հարյուրից ավելի երեխաների է ուղարկել դպրոց՝ ինտելեկտուալ ու էմոցիոնալ առումով պատրաստված:

Նոր «Օկի-Դոկի»-ի բացումը սկսվեց, իհարկե, երեխաներից: Երգերից ու բանաստեղծություններից հետո փոքրիկիները վազեցին հրավիրված ծաղրածուի հետ խաղալու, իսկ մեծերը հանդիսավորությամբ կտրեցին կարմիր ժապավենը: Տնօրեն Արփինե Մխիթարյանը շնորհակալություն հայտնեց բոլոր նրանց, ովքեր օգնել ու աջակցել են են նոր «Օկի-Դոկիի» վերանորոգմանն ու բացմանը, և հիանալի մանավարշներին, առանց որոնց մանկապարտեզի բացումն անիմաստ կլիներ: Հաջորդեց քահանայի օրհնությունը: Աղոթքն առաջին հերթին երկրի խաղաղության համար էր, քանի որ, ինչպես նշեց տեր հայրը, միայն խաղաղ երկրում կարող են բացվել նոր դպրոցներ ու մանկապարտեզներ, միայն խաղաղ երկրում երեխաները կարող են երջանիկ լինել:

Հիմա խաղաղ է: Անդրանիկի 32 հասցեում երեխաները խաղում են, երգում, նկարում, սովորում են հավատալ իրենց ուժերին ու գիտելիքներին: Եվ ամեն ինչ լավ է: