«Ժամանակ». ՊԵԿ-ը սպառնում է ներկրող գործարարին

«Ժամանակ» թերթը գրում է.

«Պետեկամուտների կոմիտեն շարունակում է հսկիչ գներ կիրառելու և ներկրողների ներկայացրած հաշիվ-ապրանքագրերը չընդունելու իր գործելաոճը:

Մեր տեղեկություններով՝ ՀՀ գործարարներից մեկը, ում անունը առայժմ չենք հայտնում, ԵՏՄ երկրներից ներկրած իր ավիաբեռը տևական ժամանակ է, ինչ չի կարողանում մաքսազերծել, քանի որ ՊԵԿ-ը նրանից պահանջում է կա՛մ ավելի բարձր գնով հաշիվ-ապրանքագիր ներկայացնել, կա՛մ էլ սպառնում է կիրառել իր հսկիչ գինը՝ բնականաբար, ավելի բարձր, որպեսզի հնարավորինս շատ մաքսատուրք պոկի:

Ինչպես հայտնի է, մաքսազերծման դեպքում ներկրողները գործ են ունենում բեռնափոխադրող-կարգոների հետ, որոնց աշխատանքն իր ձեռքում է կենտրոնացրել ՊԵԿ նախագահ Վարդան Հարությունյանը՝ «Գազպրոմ-Արմենիայի» նախկին գլխավոր հաշվապահ Արմեն Ունանյանի միջոցով, որին իր հետ այդ համակարգ է տեղափոխել: Իսկ տվյալ ավիաբեռի մաքսազերծումը ոչ միայն ուշացնում են, այլև ներկրող գործարարին հետապնդում են քննչական ծառայությունների միջոցով»:

Մանրամասները՝ թերթի այսօրվա համարում